39
ஏற்கனவே தமிழ்ப் படவுலகில் இயக்குனராகவும், நடிகராகவும் அமீர் இருக்கிறார். இந்நிலையில், அதே பெயரில் இன்னொருவர் இயக்குனராகவும், நடிகராகவும் பெரிய திரையில் அறிமுகமாகிறார். இவர், சின்னத்திரை மூலம் ரசிகர்களுக்கு நன்கு பரிச்சயமானவர். நல்ல வீரப்பசாமி புரொடக்ஷன் சார்பில் வி.பாலகிருஷ்ணன் தயாரிக்கும் பெயரிடப்படாத படத்தில் நடன இயக்குனர் அமீர் ஹீரோவாகவும், இயக்குனராகவும் அறிமுகமாகிறார். ஸ்கிரிப்ட்டையும் அவரே எழுதியுள்ளார். அவரது ஜோடியாக, சின்னத்திரை மூலம் ரசிகர்களைக் கவர்ந்த பாவனி நடிக்கிறார்.
ரொமான்ஸ் காமெடி கதை கொண்ட இப்படத்தின் தொடக்க விழா சென்னையில் நடந்தது. ஏற்கனவே அஜித் குமாரின் ‘துணிவு’ படத்தில் அமீர், பாவனி ஜோடியாக நடித்திருந்தனர். அவர்களது காம்பினேஷனுக்கு ரசிகர்கள் வரவேற்பு அளித்ததால், புதிய படத்தின் மூலம் மீண்டும் இணைந்துள்ளனர். இன்றைய இளைஞர்களின் வாழ்க்கையை யதார்த்தமாகப் பிரதிபலிக்கும் இப்படத்தில், முக்கிய வேடங்களில் மன்சூர் அலிகான், காயத்ரி ஜெயராம், சுரேஷ் சக்ரவர்த்தி, சாதனா, விடிவி கணேஷ், அலீனா நடிக்கின்றனர்.
+ There are no comments
Add yours