இந்த விவகாரம் தொடர்பாக டெல்லி அரசு 4 பேர் அடங்கிய விசாரணை குழு ஒன்றை அமைத்து 7 நாட்களுக்குள் அறிக்கை அளிக்க உத்தரவிட்டுள்ளது.

டெக்ஸ்ட்ரோமெத்தோர்பன் மருந்து பெரும்பாலும் இருமலை கட்டுப்படுத்த பயன்படுத்தப்பட்டு வருகிறது.  அந்த மருந்தை அதிக அளவில் உட்கொண்டால் தூக்கமின்மை, மயக்கம், வாந்தி, மூச்சு திணறல், வயிற்றுபோக்கு ஆகியவை ஏற்பட வாய்ப்புள்ளது. ஏற்கனவே மத்திய சுகாதாரத்துறை அமைச்சகம் சார்பில் 4 வயதுக்கு கீழ் உள்ள குழந்தைகளுக்கு இந்த மருந்தை பரிந்துரைக்க வேண்டாம் என கேட்டுக்கொள்ளப்பட்டுள்ளது. மேலும் இந்த மருந்து தயாரிப்பை நிறுத்தவும் பரிந்துரைக்கப்பட்டுள்ளது.

இவ்வாறு மத்திய சுகாதாரத்துறை அமைச்சகம் விளக்கம் அளித்துள்ளது.இருமல் மருந்தால் 3 குழந்தைகள் உயிரிழந்ததையடுத்து டெல்லி முதலமைச்சர் கெஜ்ரிவால், சுகாதாரத்துறை மந்திரி ஜெயின் ஆகியோர் பதவி விலக வேண்டும் என்று பாஜக வலியுறுத்தியுள்ளது.

இறந்த 3 குழந்தைகளின் குடும்பத்திற்கு தலா ரூ.1 கோடியும், இதற்கு முன் இழந்த 13 குழந்தைகளின் குடும்பத்திற்கு தலா ரூ.10 லட்சமும் இழப்பிடும் வழங்கப்பட வேண்டும் என காங்கிரஸ் சார்பில் வலியுறுத்தப்பட்டுள்ளது.