கங்குவாவில் இரண்டு வேடத்தில் நடிக்கும் சூர்யா

‘கங்குவா’வில் இரண்டு வேடத்தில் நடிக்கும் சூர்யா

15 ஏப், 2024 – 11:51 IST

சூர்யா நடிப்பில் பிரமாண்டமாக தயாராகி வரும் படம் ‘கங்குவா’. இரண்டு பாகங்களாக வெளிவரும் இந்த படத்தை ஸ்டூடியோ கிரீன் நிறுவனம் தயாரிக்கிறது. சிவா இயக்குகிறார். சூர்யாவுடன் பாபி தியோல், திஷா பதானி, நட்ராஜ், ஜெகபதி பாபு, யோகி பாபு, ரெடின் கிங்ஸ்லி உள்பட பலர் நடிக்கிறார்கள். வெற்றி பழனிச்சாமி ஒளிப்பதிவு செய்கிறார், தேவிஸ்ரீ பிரசாத் இசை அமைக்கிறார்.

இந்த படம் இரண்டாயிரம் ஆண்டுகளுக்கு முந்தைய கதை மற்றும் தற்போது நடக்கும் கதை என இரண்டு காலகட்டங்களில் நடக்கும் கதையாக உருவாகிறது. இந்த நிலையில் புதிய போஸ்டரை படக்குழு வெளியிட்டுள்ளது. இந்த போஸ்டரில் இரண்டு வெவ்வேறு தோற்றங்களில் உள்ளார் சூர்யா. இதன் மூலம் இரண்டாயிரம் ஆண்டுக்கு முந்தைய ஒரு தளபதி, மற்றும் இன்றைய காலகட்டத்தை சேர்ந்த கார்ப்பரேட் தாதா என இரண்டு வேடங்களில் சூர்யா நடிப்பது உறுதியாகி இருக்கிறது. 3டியில் உருவாகும் இந்தப் படம் தமிழ், தெலுங்கு, ஹிந்தி உட்பட 10 மொழிகளில் வெளியாக இருக்கிறது.