சின்னத்திரை, வெள்ளித்திரை என சிறு வயதிலிருந்தே மீடியாவில் பயணித்து வருபவர் சுஜிதா. `பாண்டியன் ஸ்டோர்ஸ்’ தொடர் இவருக்கென தனியொரு அடையாளத்தைப் பெற்றுத்தந்தது. அவருடைய சகோதரரும், தெலுங்கு பட இயக்குநருமான சூரிய கிரண் சமீபத்தில் உடல்நலக் குறைவு காரணமாக இயற்கை எய்தினார்.
இந்நிலையில் சுஜிதா அவருடைய இன்ஸ்டாகிராம் பக்கத்தில் அவருடன் எடுத்துக் கொண்ட புகைப்படத்தைப் பகிர்ந்து, `என் சகோதரன் மட்டுமல்ல என் அப்பாவும், என் ஹீரோவுமானவர். உன் திறமையையும், பேச்சையும் கண்டு வியந்திருக்கிறேன். மறுபிறவி என்பது உண்மையாக இருந்தால் உங்களுடைய கனவுகள், சாதனைகள் அனைத்தும் புதிதாக தொடரட்டும்!’ எனக் குறிப்பிட்டிருக்கிறார்.
விஜய் டிவியின் ஹிட் ஷோக்களுள் ஒன்று `அது இது எது’. சிவகார்த்திகேயன் தொகுத்து வழங்கிய இந்த ரியாலிட்டி ஷோ மக்கள் மத்தியில் மிகுந்த வரவேற்பை பெற்றது. தற்போது `அது இது எது’ சீசன் 3 வர இருப்பதாகத் தகவல்கள் வெளியாகின.
அதனைத் தொடர்ந்து பிக் பாஸ் பிரபலங்களான அர்ச்சனா, மணி சந்திரா மற்றும் கூல் சுரேஷ் ஆகிய மூவரும் முதலாவதாக அந்த நிகழ்ச்சியில் கலந்து கொண்டுள்ளார்கள். இந்த நிகழ்ச்சி வருகிற மார்ச் மாதம் 24ஆம் தேதி முதல் வர இருப்பதாகவும் தகவல்கள் வெளியாகியுள்ளன.
`ராஜா ராணி’ தொடர் மூலம் சின்னத்திரை ரசிகர்கள் மத்தியில் பிரபலமானவர் ரித்திகா. அதன் பிறகு `பாக்கியலட்சுமி’ தொடரில் அம்ரிதா கதாபாத்திரத்தில் நடித்துக் கொண்டிருந்தார். `குக்கு வித் கோமாளி’ நிகழ்ச்சியில் போட்டியாளராகவும் இவர் பங்கேற்றார்.
ரித்திகா, வினு என்பவரைக் காதலித்துத் திருமணம் செய்துகொண்டார். திருமணத்துக்குப் பிறகு `பாக்கியலட்சுமி’ தொடரில் இருந்தும் அவர் விலகினார்.
சமீபத்தில் தன் கணவருடன் தாஜ்மகாலில் எடுத்திருந்த புகைப்படங்களை காதலர் தினத்தன்று பதிவிட்டிருந்தார். தற்போது ரித்திகா கர்ப்பமாக இருக்கும் செய்தியை அவருடைய இன்ஸ்டாகிராம் பக்கத்தில் பதிவிட்டிருக்கிறார். அதற்கு பலரும் வாழ்த்துகள் கூறி வருகின்றனர். வாழ்த்துகள் ரித்திகா!
+ There are no comments
Add yours