“ஓ போடு” – விக்ரம் போட்ட பதிவால் ரசிகர்கள் மகிழ்ச்சி

“ஓ போடு” – விக்ரம் போட்ட பதிவால் ரசிகர்கள் மகிழ்ச்சி

13 ஏப், 2023 – 11:49 IST

இயக்குனர் சரண் இயக்கத்தில் நடிகர் விக்ரம் நடித்து 21 ஆண்டுகளுக்கு முன்னர் வெளியான திரைப்படம் ஜெமினி. பெருமைமிகு தயாரிப்பு நிறுவனமான ஏ.வி.எம் தயாரித்து வெளியாகி திரையரங்குகளில் வசூலை வாரி குவித்தது. இசையமைப்பாளர் பரத்வாஜ் இசையில் பாடல்கள் அனைத்தும் ஹிட்டடித்தன. குறிப்பாக ‘ஓ போடு’ பாடல் பட்டி தொட்டி எங்கும் பட்டையை கிளப்பியது.

இந்நிலையில் நேற்று ஜெமினி படம் வெளியாகி 21 ஆண்டுகள் நிறைவடைந்ததை முன்னிட்டு, மாலை நேரத்தில் நடிகர் விக்ரம் தனது டுவிட்டர் பக்கத்தில் வீடியோ ஒன்றினை வெளியிட்டுள்ளார். அந்த வீடியோவில் ஓ போடு பாடலின் இசை பின்னணியில் ஜெமினி திரைப்படத்தில் அவர் ஸ்டைல் காட்டும் சிக்னேச்சர் முத்திரையை மீண்டும் செய்து காட்டினார் . இந்த வீடியோ இணையத்தில் வைரலானது.