இங்கிலாந்து நாட்டில் ஒமைக்ரானின் புதிய வடிவம் அறிவிக்கப்பட்டிருப்பது, கொரோனா எப்போது ஒழியப்போகிறது என்ற கேள்வியை ஏற்படுத்தி உள்ளது.

கொரோனா வைரஸ் சீன மண்ணில் 2019 டிசம்பரில் முதன் முதலாக வெளிப்பட்டது. தொடர்ந்து அது ஆல்பா, பீட்டா, காமா, டெல்டா என உருமாற்றங்களை அடைந்து வருகிறது. அந்த வரிசையில் தென் ஆப்பிரிக்காவில் நவம்பர் 24-ந் தேதி ஒமைக்ரான் வைரஸ் (பிஏ.1) கண்டறியப்பட்டு இன்றைக்கு அதுவும் உலகமெங்கும் பரவி உள்ளது. இந்த வைரசை கவலைக்குரிய மாறுபாடாக உலக சுகாதார அமைப்பு நவம்பர் 26-ந் தேதி வகைப்படுத்தியது. இந்த நிலையில் ஒமைக்ரானின் புதிய வடிவம், இங்கிலாந்து நாட்டில் அறிவித்து, வகைப்படுத்தப்பட்டு இருப்பது புதிய பரபரப்பை ஏற்படுத்தி உள்ளது.