விஜய் டிவியில் ஒளிபரப்பாகிக் கொண்டிருக்கும் தொடர் `பாண்டியன் ஸ்டோர்ஸ்’ 2. இதில் மாரி கதாபாத்திரத்தில் நடித்தவர் நடிகை ரிஹானா.
இந்தத் தொடரில் இவர் நடிப்பு வெகுவாகப் பாராட்டப்பட்ட நிலையில் தற்போது ரிஹானா அந்தத் தொடரில் இருந்து விலகியிருக்கிறார். ரிஹானாவின் இந்த திடீர் விலகலுக்கான காரணம் குறித்து அவரிடமே பேசினோம்.
“என்னுடைய தனிப்பட்ட பர்சனல் காரணங்களுக்காகத்தான் தொடரில் இருந்து விலகுகிறேன். கதைப்படி இந்தக் கேரக்டர் தொடர்ந்து பயணிக்கிறதனால எனக்கு பிரேக் கொடுக்க முடியாது. அதனால மட்டும்தான் தொடரில் இருந்து விலக வேண்டி ஆகிடுச்சு. உங்க எல்லார் மாதிரியும் நானும் `பாண்டியன் ஸ்டோர்ஸ்’ ஃபேமிலியை ரொம்பவே மிஸ் பண்றேன்!” என்றார்.
முன்னதாக இவர் நடித்திருந்த கதாபாத்திரங்களைவிட இந்தக் கதாபாத்திரம் இவருக்கு இயல்பாய் பொருந்தியிருந்தது. அதுபோல இந்தத் தொடர் இவருக்கென தனியொரு அடையாளத்தையும் பெற்றுத் தந்தது. இவரைப் போலவே இவரது ரசிகர்களும் `பாண்டியன் ஸ்டோர்ஸ்’ தொடரில் இவரை மிஸ் செய்வதாக கமெண்ட் செய்து கொண்டிருக்கின்றனர்.
ரிஹானாவுக்கு பதிலாக இந்தத் தொடரில் நடிகை மாதவி நடிக்கிறார். இவர் சன் டிவியில் ஒளிபரப்பாகிக் கொண்டிருக்கும் `இனியா’ தொடரில் நடித்துக் கொண்டிருக்கிறார்.
+ There are no comments
Add yours