“மா.பொ.சி படத்துக்கு எங்க தாத்தா பெயரை பயன்படுத்தக்கூடாது!” – ம.பொ.சி பேத்தி பரமேசுவரி |writer parameshwari interview about maa.po.si movie title issue

உதாரணமா, ‘காந்தி’ன்னு படம் எடுத்தா, யாரோட முகம் நினைவுக்கு வரும்? அதேபோல, நேரு, அண்ணா, கருணாநிதி, எம்.ஜி.ஆர் என்ற பெயர்களில் படம் எடுத்தா, யார் முகம் ஞாபகம் வரும்? அப்படித்தான், தாத்தாவும். சமூகத்திற்காக உழைத்த தலைவர்களின் பெயர்களை படத்திற்குத் தலைப்பா வைக்க அனுமதிக்கக்கூடாது. மொழி, பண்பாடு, அரசியல் தளத்தில் தலைவர்கள் ஆற்றியுள்ள பங்களிப்பு மறந்துபோய், ம.பொ.சி-ன்னா படத்தோட தலைப்புன்னுதானே வருங்கால தலைமுறை நினைச்சுக்குவாங்க?

முக்கியமா, நாளையே தாத்தாவோட பயோபிக்கை எடுக்க நினைத்தா, நாங்க என்ன தலைப்பு வெக்கிறது? அதனாலதான், இந்தத் தலைப்புக்கு நாங்க எதிர்ப்பு தெரிவிக்கிறோம். தாத்தாவின் கருத்துகளோட முரண்படலாம். விமர்சிக்கலாம். ஜனநாயக நாட்டில் எல்லோருக்கும் எல்லா உரிமையும் உண்டு. ஆனா, அவருடைய பெயரைத் தவறான முறையில் பயன்படுத்துவதை அனுமதிக்க முடியாது. இது தாத்தாவை அவமானப்படுத்தும் செயல்” எனச் சொல்கிறார் பரமேசுவரி.

இந்தக் குற்றச்சாட்டுக் குறித்து, இயக்குநர் போஸ் வெங்கட்டை தொடர்புகொண்டு பேச முயன்றோம். மெசேஜும் அனுப்பினோம். ஆனால், அவரிடமிருந்து எந்த பதிலும் இல்லை. அவர், இதுகுறித்து விளக்கம் அளித்தால் பிரசுரிக்கத் தயாராக இருக்கிறோம்.