ஒரு பாடலுக்காக தனி விமானத்தில் இத்தாலி சென்ற கல்கி படக்குழு

ஒரு பாடலுக்காக தனி விமானத்தில் இத்தாலி சென்ற ‘கல்கி’ படக்குழு

07 மார், 2024 – 11:02 IST

இந்தியாவிலேயே அதிக பட்ஜெட்டில் உருவாகி வரும் படம் ‘கல்கி 2898 ஏடி’. தெலுங்கு இயக்குனர் நாக் அஸ்வின் இயக்கும் இந்த படத்தில் பிரபாஸ் ஹீரோவாக நடிக்கிறார். முதன் முறையாக கமல்ஹாசன் வில்லனாக நடிக்கிறார். அமிதாப்பச்சன், தீபிகா படுகோனே, திஷா பதானி உள்ளிட்ட இந்திய முன்னணி நட்சத்திரங்கள் நடிக்கிறார்கள். இந்த படம் 2 பாகங்களாக வெளிவர இருப்பதாகவும் கூறப்படுகிறது. விஜயசாந்தி மூவீஸ் சுமார் ரூ.600 கோடியில் படத்தை தயாரிப்பதாக கூறப்படுகிறது.

இந்த நிலையில் இந்த படத்தின் ஒரு பாடல் காட்சி இத்தாலியில் படமாக்கப்பட இருக்கிறது. இதற்காகப் படக்குழு தனி விமானத்தில் இத்தாலி பறந்துள்ளது. நடன கலைஞர்கள், ஒளிப்பதிவு கலைஞர்கள், ஆடை வடிவமைப்பாளர்கள் சென்றுள்ளனர். பாடலை டிஜோரிச் ஸ்டோலிகோவிக் என்ற ஹாலிவுட் ஒளிப்பதிவாளர் படமாக்குகிறார். சந்தோஷ் நாராணயன் இசை அமைக்கிறார். இந்த பாடலுக்கு மட்டும் 50 கோடி செலவிடப்படுவதாக கூறப்படுகிறது.