Ashok Selvan Keerthi Pandian Starrer Blue Star Movie OTT Release Date When And Where To Watch

Ashok Selvan Keerthi Pandian Shanthanu Bhagyaraj Starrer Blue Star OTT Release Date: தமிழ் திரையுலகில் வளர்ந்து வரும் கதாநாயகானக விளங்கும் அசோக் செல்வன், சமீபத்தில் ஹீரோவாக நடித்திருந்த படம் ப்ளூ ஸ்டார். இந்த படத்தை, எஸ்.ஜெயகுமார் இயக்கியிருந்தார். இப்படம், தற்போது ஓடிடி தளத்தில் வெளியாக உள்ளதாக தகவல்கள் வெளியாகியுள்ளது. 

ப்ளூ ஸ்டார் திரைப்படம்:

தமிழ் திரையுலகில் கடந்த சில ஆண்டுகளாக குறைந்த பட்ஜெட்டில் எடுக்கப்படும் நல்ல கதையம்சம் மிக்க படங்கள், மக்களின் கவனத்தை ஈர்த்து வருகின்றன. அந்த வகையில், ரசிகர்களை சமீபமாக மிகவும் கவர்ந்த படங்களுள் ஒன்று ப்ளூ ஸ்டார். கோலிவுட்டின் திறமை மிகு நாயகர்களுள் ஒருவராக கருதப்படும் அசோக் செல்வன், இப்படத்தில் ஒரு ஹீரோவாகவும், நடிகரும் பாக்கியராஜ்ஜின் மகனுமான சாந்தனு இன்னொரு ஹீரோவாகவும் இப்படத்தில் நடித்திருக்கின்றனர்.  புதுமுக இயக்குநர் எஸ்.ஜெயகுமார் இயக்கியிருந்த இந்த படத்தினை இயக்குநர் பா.இரஞ்சித், தனது ‘நீலம்’ ப்ரொடக்‌ஷன்ஸ் நிறுவனம் சார்பாக தயாரித்திருந்தார். 

படத்தின் கதை என்ன? 

ப்ளூ ஸ்டார் படத்தின் கதை, 1990களில் நடப்பது போல அமைக்கப்பட்டுள்ளது. அரக்கோணத்தில் இருக்கும் இரண்டு குழுக்கள் சாதியை வைத்து கிரிக்கெட் விளையாட்டை நடத்துகின்றன. இந்த விளையாட்டின் மூலமாக இரு குழுக்களுக்கும் சண்டை வருகிறது. இதை அடிப்படையாக வைத்து ஸ்போர்ட்ஸ் டிராமாவாக உருவாக்கப்பட்டிருக்கும் படம்தான், ப்ளூ ஸ்டார். இந்த படத்திற்கு சினிமா விமர்சகர்கள் மத்தியில் நல்ல வரவேற்பு கிடைத்தது, படம் பார்த்தவர்களும் இதற்கு நல்ல விமர்சனத்தை கொடுத்தனர். 

ஓடிடியில் ரிலீஸ்:

சமீப காலமாக, ஓடிடி தளங்களின் வருகை அதிகரித்துள்ளதால் திரையரங்குகளில் வெளியாகும் பல படங்கள் ஒரு மாதத்திற்குள்ளாகவே ஓடிடி தளங்களில் ஸ்டீரீம் செய்யப்படுகின்றன. அந்த வகையில், கடந்த மாதம் (ஜனவரி) 25 அன்று வெளியான ப்ளூ ஸ்டார் திரைப்படம், தற்போது ஒரு பிரபல ஓடிடி தளத்தில் வெளியாக உள்ளது. இப்படத்தினை எந்த தளத்தில் எப்போதிலிருந்து பார்க்கலாம்? 

மேலும் படிக்க | Re Release Movies : மார்ச் மாதம் ரீ-ரிலீஸ் ஆகும் தமிழ் படங்கள்! எந்த தேதியில் எதை பார்க்கலாம்?

எந்த தளத்தில் பார்ப்பது? 

ப்ளூ ஸ்டார் படம், டெண்ட்கொட்டா என்ற ஓடிடி தளத்தில் வெளியாக உள்ளது. இந்த படத்தினை, வரும் மார்ச் மாதம் 1ஆம் தேதியில் இருந்து பார்க்கலாம் என தகவல்கள் வெளியாகியுள்ளது. இது குறித்து டெண்ட்கொட்டா தளம் தனது அதிகாரப்பூர்வ ட்விட்டர் எக்ஸ் தள பக்கத்தில் ஒரு பதிவினை வெளியிட்டிருந்தது. அதில் ப்ளூ ஸ்டார் படத்தின் போஸ்டரை வெளியிட்டு ‘கம்மிங் சூன்’ என குறிப்பிட்டிருந்தது. 

ப்ளூ ஸ்டார் படக்குழு:

ப்ளூ ஸ்டார் படத்தில், அசாேக் செல்வனுக்கு ஜோடியாக அவரது மனைவி கீர்த்தி பாண்டியன் நடித்திருந்தார். அப்படத்தின் ஷூட்டிங்கின் போது இவர்கள் காதலித்து வந்தனர். இவர்கள் மட்டுமன்றி, லிஸி ஆண்டனி, இளங்கோ குமாரவேல், பிருத்விராஜ் பாண்டியன், பகவதி பெருமாள் உள்ளிட்ட பலர் முக்கிய கதாப்பாத்திரங்களில் நடித்திருந்தனர். 

சிங்கப்பூர் சலூன் படத்துடன் போட்டி..

ஆர்.ஜே பாலாஜியின் நடிப்பில் கடந்த மாதம் வெளியான படம், சிங்கப்பூர் சலூன். இந்த படத்தை கோகுல் இயக்கியிருந்தார். கமர்ஷியல் டிராமாவாக உருவாகியிருந்த இந்த படமும், அசாேக் செல்வனின் ப்ளூ ஸ்டார் படமும் ஒரே நாளில் வெளியானது. இந்த இரு படங்களுமே நல்ல விமர்சனங்களை பெற்று மக்கள் மத்தியில் வரவேற்பையும் பெற்றது என்பது குறிப்பிடத்தக்கது. 

மேலும் படிக்க | OTT Release: இந்த வாரம் ஓடிடியில் ரிலீஸாகும் ஹிட் படங்கள்! எதை, எந்த தளத்தில் பார்க்கலாம்?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் – @ZEETamilNews

ட்விட்டர் – @ZeeTamilNews

டெலிக்ராம் – https://t.me/ZeeTamilNews 

வாட்ஸ்-அப் – https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ