Vidyut Jammwal: `காட்டில் நிர்வாண வாழ்க்கை’ -பாலிவுட் நடிகர் வித்யுத் ஜம்வால் சொல்லும் காரணம்| Vidyut Jammwal ditches all his clothes and luxuries for Himalayan retreat

அஜித்தின் “பில்லா 2′ படம் மூலம் கோலிவுட் ரசிகர்களுக்கு அறிமுகமாகி, விஜய்யின் ‘துப்பாக்கி’ படத்தில் வில்லனாக நடித்து கவனம் ஈர்த்தார். சூர்யாவின் ‘அஞ்சான்’ படத்திலும் நடித்து பாலிவுட் மட்டுமின்றி கோலிவுட்டிலும் பிரபல நடிகரானார். இதையடுத்து தமிழில் அவர் பெரிதாக நடிக்கவில்லை என்றாலும் பாலிவுட்டில் பல படங்களில் நடித்தும், சில படங்களைத் தயாரித்தும் வருகிறார்.

வாழ்க்கை, இயற்கை குறித்தான தத்துவங்கள் பற்றித் தொடர்ந்து தனது எக்ஸ் தளத்தில் பதிவிடுவது வித்யுத்தின் வழக்கம். அவ்வகையில் தற்போது இமாலய மலைப் பகுதியில் 7-10 நாட்கள் ஆடைகளைத் துறந்து நிர்வாண வாழ்க்கை வாழ்வதாகத் தனது புகைப்படங்களைப் பகிர்ந்துள்ளார். இதன் மூலம் இயற்கை தனக்குப் புத்துயிர்ப்பையும், புது ஆற்றலையும் அளிப்பதாக அதன் அனுபவங்கள் குறித்துப் பதிவிட்டுள்ளார்.

இதுபற்றி தனது எக்ஸ் தளத்தில் எழுதியுள்ள வித்யுத், “என்னைத் துறக்கும் பொருட்டு ‘தெய்வீகத்தின் உறைவிடம்’ ஆன இந்த இமயமலைத் தொடர்களுக்கு வந்துள்ளேன். இப்படியான ஒரு பயணத்தை 14 ஆண்டுகளுக்கு முன்பே தொடங்கிவிட்டேன். ஒவ்வொரு ஆண்டும் 7-10 நாட்கள் இப்படி தனியாக வந்து தங்கியிருப்பது என்னுடைய வாழ்க்கை முறையின் ஓர் அங்கமாக மாறிவிட்டது.