Kamal Haasan: `குஜராத் கொஞ்சம் தூரம், ஈரோடு கொஞ்சம் பக்கம்’ – விகடன் மேடையில் கமல் ‘பளிச்’ பதில்கள்|Vikatan Medai: kamal Haasan birthday special article

”ஸ்டாண்ட் அப் காமெடி ஷோக்களில் மிமிக்ரி ஆர்ட்டிஸ்ட்டுகள் உங்களை இமிடேட் செய்வதை எப்படி எடுத்துக்கொள்வீர்கள்?”

 ”நானே ஒரு மிமிக்ரி ஆர்ட்டிஸ்ட்டுதானே. ஒரு கதை நினைவு வருகிறது. ஆர்வத்துடன் திரு.ராஜாஜியைப் படம் வரைந்த ஒரு சிறுவன், தான் அவரைத் தத்ரூபமாக வரைந்ததாய் நினைத்துக்கொண்டு, அதில் அவர் கையெழுத்து வாங்க முண்டியடித்து அவரிடம் நீட்ட. அதில் ராதாகிருஷ்ணன் என்று கையெழுத்திட்டாராம் ராஜாஜி. ‘இது உங்க கையெழுத்து இல்லையே’ என்ற சிறுவனிடம், ‘படமும் என்னுதில்லயே’ என்றாராம் ராஜாஜி. சில சமயம் மிமிக்ரிக்களும் அப்படி ஆவது உண்டு.”

‘ஓட்டு போட விருப்பமா… வாங்க விருப்பமா?’

 ”எதுவுமே வாங்காமல் ஓட்டுப் போடவே எப்போதும் விருப்பம்!”

 ”நீங்கள் கண்ட கனவு நிஜமானது உண்டா… அந்தக் கனவு என்ன?”

 ”நான் நடிகனானது, இயக்குநரானது, சினிமாவுக்குப் பாட்டு எழுதியது, திரைக்கதை எழுதியது, உங்கள் பாராட்டுக்கள் கிடைத்தது எல்லாமே நான் கண்ட கனவுகளே!”