சின்ன வீட்டைப் பழிவாங்கிய பெரிய வீடு
ஆக பெரிய வீட்டின் திட்டத்தின் படி புதிய வரவுகள் அனைவரும் நாமினேஷன் பட்டியலில் வந்தார்கள். விசித்ராவை மட்டும் ‘நம்மாளுடா’ என்கிற கணக்கில் விட்டு வைத்தார்கள். விசித்ரா லீடராக இருந்தால் சின்ன வீட்டில் இருப்பவர்களுக்கு அது நெருக்கடியைத் தரும் என்பது இவர்களின் கணக்கு. ஆனால் இந்த உத்தி தன்னிடம் முன்பே கலந்து ஆலோசிக்கப்படவில்லை என்பதால் ரகசிய கோபத்தில் இருக்கும் விசித்ரா, டபுள் கேம் ஆட முடிவு செய்து இருக்கிறார்.
சின்ன வீடு பதிலுக்குப் பெரிய வீட்டாரை நாமினேஷன் செய்யவேண்டிய நேரம். பெரிய வீட்டைப் போல இவர்கள் அழுகிணி ஆட்டம் ஆடவில்லை. அதிகமாக வெறுப்பேற்றிய மாயாவை மட்டும் டார்கெட் செய்தாலும், மற்றவர்களுக்கு சொன்ன காரணங்கள் நியாயமாகவே இருந்தன.
‘ரவீனா தனியா ஆடினா சிறப்பா இருக்கும். அதற்கு மணி வெளியே போகணும்’ என்று தினேஷ் சொன்ன காரணம் சரியானது. இரண்டு வீட்டின் நாமினேஷனும் முடிந்தது. ஆக இந்த வாரம் எவிக்ஷன் பிராசஸ் பட்டியலில் இடம் பெற்று இருப்பவர்கள்.. தினேஷ், அர்ச்சனா, அன்னபாரதி, பிராவோ, பாலா, மணி, அக்ஷயா, ஐஷு மற்றும் மாயா. தனது பெயர் லிஸ்டில் வந்ததைப் பார்த்ததும் முதல் வகுப்பில் தேர்வானதைப் போல உற்சாகம் அடைந்தார் மாயா.
+ There are no comments
Add yours