Nayanthara To Join In KH 234 Movie Mani Ratnam Direction Kamal Haasan

கோலிவுட்டின் முன்னணி நடிகையாக வலம் வருபவர், நயன்தாரா. கிட்டத்தட்ட 20 வருடங்களுக்கும் மேலாக திரையுலகில் இருக்கும் இவர், இதுவரை கமல்ஹாசனுடன் மட்டும் ஜோடி சேர்ந்து நடிக்கவே இல்லை. இந்த குறை, தற்போது வெளியாக உள்ள ஒரு படம் மூலம் தீர உள்ளதாக கூறப்படுகிறது. 

முன்னணி நடிகர்களுடன் ஜோடி சேர்ந்த நாயகி..! 

நயன்தாரா, தமிழில் ‘ஐயா’ படம் மூலம் அறிமுகமானார். இந்த படத்திலேயே, அப்போது முன்னணி நடிகராக இருந்த சரத்குமாருடன் ஜோடி சேர்ந்தார். இதையடுத்து அவர் ரஜினிகாந்துடன் சந்திரமுகி படத்தில் ஜோடியாக நடித்தார். தொடர்ந்து சூர்யா, விஜய், அஜித் குமார் என தொடங்கி அடுத்த 10 வருடங்களில் வளர்ந்த ஹீரோக்களாக மாறிய ஜெயம் ரவி, விஜய் சேதுபதி, சிவகார்த்திகேயன் என அனைவருடனும் சேர்ந்து ஜோடியாக நடித்து விட்டார். சமீபத்தில் பாலிவுட் வரை சென்று ஷாருக்கானுடனும் டூயட் பாடி விட்டார். இவர் ஒன்று சேர்ந்த நடிக்காத ஒரே நடிகராக இருந்தவர், கமல்ஹாசன். இந்த குறை, ஒரு படம் மூலம் தீர்க்கப்பட உள்ளது. 

கமலின் 234வது படம்:

கமல்ஹாசனை வைத்து பல ஆண்டுகளுக்கு பிறகு மணி ரத்னம் ஒரு படத்தை இயக்க உள்ளார். இப்படம், கமலின் 234வது படம். இந்த படத்திற்கு இன்னும் பெயர் சூட்டப்பட வில்லை. பொன்னியின் செல்வன் படத்திற்கு பிறகு மணி ரத்னம் இயக்கும் படம் என்பதாலும், கமலுடன் நீண்ட இடைவேளைக்கு பிறகு இவர் கைக்கோர்ப்பதாலும் இப்படத்திற்கான எதிர்பார்ப்பு எகிறியுள்ளது. இந்த எதிர்பார்ப்பை இன்னும் அதிகமாக கூட்டும் வகையில், இதில் நயன்தாரா நடிக்க உள்ளதாக தகவல் வெளியாகியுள்ளதால் ரசிகர்கள் மகிழ்ச்சியில் உள்ளனர். 

மேலும் படிக்க | “தற்கொலை குறித்து நானும் யோசித்து இருக்கிறேன்..” கமல்ஹாசன் பேச்சால் ரசிகர்கள் அதிர்ச்சி..!

டீசர், டிரைலர் எப்போது?

கமல்ஹாசன் கடந்த 7 சீசனின் பிக்பாஸ் நிகழ்ச்சியினை தொகுத்து வழங்கி வருகிறார். நேற்றைய நிகழ்ச்சியல் அவர் மணிரத்னம் இயக்கும் தனது படத்தின் டீசர் மற்றும் டிரைலர் வெளியீடு குறித்து தெரிவித்தார். கமல்ஹாசனின் பிறந்தநாளான நவம்பர் 7ஆம் தேதி படத்தின் டைட்டில் டீசர் வெளியாகும் என கமல், நேற்றைய நிகழ்ச்சியில் தெரிவித்திருந்தார். இது, ரசிகர்களை மேலும் குஷிப்படுத்தியது. 

கதாநாயகியாக நடிக்க பரிந்துரைக்கப்பட்டவர்கள்..

மணிரத்னம் இயக்கும் படத்தில் கமல்ஹாசனுக்கு ஜோடியாக நடிக்க, வேறு இரண்டு கதாநாயகிகளிடமும் பேச்சு வார்த்தை நடைப்பெற்றதாக கூறப்படுகிறது. அதில் ஒருவர், த்ரிஷா. இவர் ஏற்கனவே கமலுடன் மன்மதன் அம்பு, தூங்காவனம் ஆகிய படங்களில் ஜோடியாக நடித்துள்ளார். கமலுடன் நல்ல நட்பு பாராட்டும் நடிகைகளுள் இவரும் ஒருவர். இவர்தான் இப்படத்தில் நடிப்பார் என கிட்டத்தட்ட உறுதிப்படுத்தப்பட்ட நிலையில் கடைசி நேரத்தில் நயன்தாரா மாற்றப்பட்டுள்ளதாக கூறப்படுகிறது. இதையடுத்து, நாயகியாக பரிந்துரைக்கப்பட்டவர், வித்யா பாலன். பாலிவுட் நாயகியான இவர், அஜித்துடன் இணைந்து “நேர்கொண்ட பார்வை” படத்தில் நடித்திருக்கிறார். இவரையும் கமலுக்கு ஜோடியாக நடிக்க வைக்க பேச்சு வார்த்தை நடந்ததாக கூறப்படுகிறது.

கமலின் அடுத்த படம்..

ஷங்கர் இயக்கத்தில் உருவாகி வரும் இந்தியன் 2 படத்தின் வேலைகள் கிட்டத்தட்ட முடிந்து விட்ட நிலையில் இன்னும் ஓரிரண்டு காட்சிகளை மட்டும் படமாக்கி வருகின்றனர். இப்படத்தை அடுத்த ஆண்டு திரையிட படக்குழுவினர் திட்டமிட்டுள்ளதாக கூறப்படுகிறது. ஹெச்.வினோத் இயக்கும் படத்திலும் கமல் நடிக்கிறார். இது, கமலின் 233வது படமாகும். இந்த படத்திற்கும் இன்னும் தலைப்பு வைக்கப்படவில்லை. 

மேலும் படிக்க | கமல்ஹாசன் – H. வினோத் இணையும் KH 233 படத்தின் லேட்டஸ்ட் அப்டேட்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ