‘பண்ணையாரும் பத்மினியும்’, ‘சேதுபதி’, ‘சிந்துபாத்’ படங்களின் இயக்குநர் S.U.அருண் குமாரின் இயக்கத்தில் வெளியாகியிருக்கும் திரைப்படம் `சித்தா’.
சித்தார்த், நிமிஷா சஜயன், சஹஸ்ரா ஸ்ரீ உள்ளிட்டோர் இப்படத்தில் நடித்துள்ளனர். தன் அண்ணன் மகளுக்கும் சித்தார்த்திற்கும் இடையிலான உணர்வுபூர்வமான கதையும், பாலியல் வன்கொடுமைக்கு எதிராகப் போராடும் சித்தார்த்தின் போராட்டத்தையும் கதைக்களமாகக் கொண்டுள்ள இத்திரைப்படம் கடந்த செப்டம்பர் 28ம் தேதி திரையரங்குகளில் வெளியாகி நல்ல விமர்சனங்களைப் பெற்று வருகிறது. திரைத்துரையில் உள்ள பலரும் இப்படத்தை பாராட்டி வருகின்றனர். தெலுங்கிலும் இந்தப் படம் வெளிவரவிருக்கிறது.
இந்நிலையில் நடிகர் சிம்பு, சித்தா படத்தையும், சித்தார்தையும் வாழ்த்தி தனது ட்விட்டர் பக்கத்தில் பதிவிட்டுள்ளார்.
#Chiththa is beyond hard hitting! A very sensitive subject handled in the lightest way possible with much clarity! Hats off to the director @DirSUarunkumar
Extremely proud of actor #Siddharth for choosing this script and producing it! Congrats to team #Chiththa@RedGiantMovies_— Silambarasan TR (@SilambarasanTR_) October 4, 2023
இதுபற்றி தனது x சமூக வலைதளப் பக்கத்தில் பதிவிட்டுள்ள சிம்பு, “‘சித்தா’ மிகுந்த பாதிப்பை ஏற்படுத்தக்கூடியத் திரைப்படம். மிகவும் உணர்வுப்பூர்வமான கதையை எளிதாகவும் தெளிவாகவும் கையாண்டிருக்கும் இயக்குநருக்கு வாழ்த்துகள். இப்படத்தை சரியாகத் தேர்வு செய்து தயாரித்து நடித்திருக்கும் சித்தார்த்தை நினைத்து மிகவும் பெருமைப்படுகிறேன். சித்தா படக்குழு அனைவருக்கும் வாழ்த்துகள்” என்று பதிவிட்டுள்ளார்.
+ There are no comments
Add yours