Bigg Boss Contestants Exclusive: `அட இவங்களுமா?' கலந்துகொள்ளும் போட்டியாளர்களின் அடுத்த கட்ட லிஸ்ட்!

விஜய் டிவியில் நாளை தொடங்க இருக்கிறது பிக் பாஸ் தமிழ் சீசன் 7.

இந்தாண்டு ஒன்றுக்கு இரண்டு வீடுகள். இந்த வீடுகளை நிரப்ப இருக்கும் போட்டியாளர்கள் யார் என்பதுதான் இந்த நிகழ்ச்சியைத் தொடர்ந்து பார்த்து வரும் ரசிகர்களின் பெரிய எதிர்பார்ப்பாக இருக்கிறது.

நிகழ்ச்சியில் கலந்து கொள்ளவிருக்கும் ஏழு போட்டியாளர்களின் பெயர்களை முதல் கட்டப் பட்டியலாக நேற்று வெளியிட்டிருந்தோம்.

அதன் தொடர்ச்சியாக உறுதி செய்யப்பட்ட சில போட்டியாளர்களது பெயர்களைக் கொண்ட இரண்டாவது பட்டியலும், போட்டியாளர்களின் புரொஃபைலும் இங்கே…

விசித்ரா

‘ஜாதி மல்லி’ மூலம் இயக்குநர் கே.பாலசந்தரால் தமிழ் சினிமாவுக்கு அறிமுகப்படுத்தப்பட்டவர். பிறகு குரூப் டான்ஸ், ஒரு பாட்டுக்கு நடனம், குணச்சித்திர வேடம் எனக் கலக்கினார். முத்து, வீரா ஆகிய ரஜினி படங்களிலும் நடித்திருக்கிறார். ஒருகட்டத்தில் சினிமாவிலிருந்து ஒதுங்கியவர், தொழிலதிபர் ஒருவரைத் திருமணம் செய்து கொண்டு கர்நாடகாவில் செட்டில் ஆனார். அங்கு கணவரது ஹோட்டல் தொழிலைக் கவனித்து வந்தவரை சமீபத்தில் மீண்டும் தமிழ் சீரியலுக்குக் கூட்டி வந்தார்கள். இப்போது பிக் பாஸ் வீட்டிற்குச் செல்கிறார்.

வினுஷா

மாடலிங், டிக் டாக் ஏரியாவிலிருந்து டிவிக்கு வந்தவர். ‘பாரதி கண்ணம்மா’வில் கண்ணம்மாக வந்தார். அந்தத் தொடர் இவரை ஓரளவு பிரபலமாக்கியது. ஒருசில திரைப்படங்களிலும் நடித்துள்ளார். பிக் பாஸ் வாய்ப்பு சினிமாவுக்கான கதவுகளை விலாசமாகத் திறக்க உதவுமென நம்புகிறாராம்.

யுகேந்திரன்

மறைந்த பின்னணிப் பாடகர் மலேசியா வாசுதேவனின் மகன். தமிழ் சினிமாவில் ஏகப்பட்ட பாடல்களைப் பாடியிருக்கும் பின்னணிப் பாடகர். சில படங்களுக்கு இசையமைத்திருக்கிறார். நடிகராகவும் பல படங்களில் இவரை நீங்கள் பார்த்திருப்பீர்கள்.

நிக்‌ஷன்

இவர் சாதாரணக் குடும்பப் பின்னணியிலிருந்து வந்திருக்கும் ஒரு இளம் பாடலாசிரியர் என்கிறார்கள்.

மூன் நிலா

மலேசியத் தமிழ்ப் பெண். அங்கு சீரியல், விளம்பரங்கள் எனப் பிசியாக இருப்பவராம். யூ டியூப், சோஷியல் மீடியாவிலும் ஆக்டிவாக இருந்து வருகிறார். வழக்கமான வெளிநாட்டுக் கோட்டாவில் இவர் செல்கிறார் என்கிறார்கள்.

ரவீனா தாஹா

சீரியல்களில் நடித்த போது வாங்காத பெயரை குக்கு வித் கோமாளியில் வாங்கியவர். தற்போது படங்களிலும் நடிக்கத் தொடங்கியிருக்கிறார்.  சோஷியல் மீடியாவில் இவருக்கு ரசிகர்கள் அதிகம்.

நிவிஷா

சீரியல் நடிகை. சன் டிவியில் நடித்துக் கொண்டிருந்த சீரியலிலிருந்து சமீபத்தில் வெளியேறியவர்.

இவர்கள் தவிர தர்ஷா குப்தா, பாலசரவணன், விஜய் வர்மா, விஜய் கந்தன், ஃப்ரெடரிக் ஜான்சன், வி.ஜே.பார்வதி, ரக்ஷன், டான்ஸ் மாஸ்டர் ஶ்ரீதர் ஆகியோரது பெயர்களும் கடைசிக் கட்டப் பரிசீலனையில் இருந்ததாகத் தெரிகிறது. இவர்களில் ஒரு சிலர் பிக் பாஸ் வீட்டுக்குள் செல்வதற்கான வாய்ப்பிருக்கிறது என்கிறார்கள்.

Source link