முந்திரிக்காடு விமர்சனம்: சாதி ஒழிப்பும் காதல் திருமணமும்; ஆனால், படத்திலுள்ள அரசியல் போதாமைகள்? | Munthiri Kaadu Movie Review: How is this anti caste film fared as a movie?

இருவரையும் தவிர, தெய்வத்தின் தந்தையாக நடித்த ஜெயராவ்வும், காவல்துறை அதிகாரியாக சீமானும், ஊர் பாட்டியான காக்காச்சி என்கிற கதாபாத்திரமும் மனதில் நிற்கின்றன. வில்லன் குழுவில் ஏழெட்டு பேர் இருந்தாலும், அவர்களுக்கென்று தனித்துவமான அழுத்தமான காட்சிகள் இல்லாததால், அவர்களின் எந்தக் கதாபாத்திரமும் மனதில் நிற்கவில்லை.

கதை நடக்கும் கிராமத்துக்குப் பாதையாக இருக்கும் முந்திரிக்காட்டில் இருந்து கதை தொடங்குகிறது. அந்த முந்திரிக்காடும் படத்தின் முக்கிய பாத்திரமாக இருக்கிறது என்பதால், காதல், சண்டை, பாடல் காட்சிகள் என 90 சதவிகித காட்சிகள் அங்கேயே நடப்பது, ஒருவித அலுப்பைத் தருகிறது. செயற்கையாகவும் மிகை நடிப்பாகவும் வரும் வில்லன்கள் குழுவுக்கு மத்தியில், உயிர்ப்பான தெய்வம் கதாபாத்திரம் மட்டுமே ஆறுதல் தருகிறது.