“ஆஸ்கர் விருதுக்குத் தவறான படங்கள் அனுப்பி வைக்கப்படுகின்றன”- கருத்து தெரிவித்த ஏ.ஆர்.ரஹ்மான் |AR Rahman says India sends wrong movies for the Oscars

இதனை படக்குழுவினரும், ரசிகர்களும் கொண்டாடி வருகின்றனர். இதனிடையே ஆஸ்கர் விருது குறித்து ஏ.ஆர்.ரஹ்மான் தெரிவித்த கருத்து இணையத்தில் வைரலாகி வருகிறது.

கடந்த ஜனவரி மாதம் வயலின் இசை ஜாம்பவான், டாக்டர் எல்.சுப்ரமணியத்துடனான பேட்டி ஒன்றில் தன்னைப் பற்றியும், ஆஸ்கர் விருது பற்றியும் பேசிய ஏ.ஆர்.ரஹ்மான் ஆஸ்கர் விருதுக்குத் தவறான படங்கள் அனுப்பி வைக்கப்படுவதாகக் கூறியிருக்கிறார்.

அவர் அளித்துள்ள பேட்டியில், “ திரையுலகில் நடந்துகொண்டிருந்த தொழில்நுட்ப மாற்றத்தின் இடைப்பட்ட காலத்தில் நான் திரையுலகுக்குள் வந்தேன். அதனால் எனக்குக் கற்றுக்கொள்ள நிறைய நேரம் கிடைத்தது.  எனது வெற்றியை மட்டுமே பலர் பார்க்கின்றனர். ஆனால் நான் பல தோல்விகளைச் சந்திருக்கிறேன்.  எல்லோருக்கும் பணம் சம்பாதிக்க வேண்டும் என்று ஆசை இருக்கும் ஆனால் எனக்கு அதையும் தாண்டி கற்றுக்கொள்ளும் ஆர்வம் இருந்தது.  ஹாலிவுட் திரையுலகினரால் செய்யும் முடியும் ஒரு விஷயத்தை  ஏன் நம்மால் முடியாது?