Victory acting night – Dinakaran Cinema News

2/23/2023 2:42:38 PM

கதிர் நடித்த ‘சிகை’, விக்ராந்த் நடித்த ‘பக்ரீத்’ ஆகிய படங்களை இயக்கிய ஜெகதீசன் சுபு இயக்கியுள்ள புதிய படம், ‘இரவு’. இதில் வெற்றி, சுனிதா கோகோய், அரியா செல்வராஜ், ஃபைனலி பரத், மன்சூர் அலிகான், தீபா சங்கர், சந்தானபாரதி, ெபான்னம்பலம், ஜார்ஜ் மரியான், கல்கி, சேஷு, புவியரசு, ஜாஸ்பர் நடித்துள்ளனர். ஸ்ரீனிவாஸ் தயாநிதி ஒளிப்பதிவு செய்ய, எல்.வி.முத்து கணேஷ் இசை அமைத்துள்ளார். பாபு தமிழ் வசனம் எழுதியுள்ளார். எம்10 புரொடக்‌ஷன்ஸ் சார்பில் எம்.எஸ்.முருகராஜ், ஜெஃபி இணைந்து தயாரித்துள்ளனர். மோகன்ராஜா, கு.கார்த்திக் பாடல்கள் எழுதியுள்ளனர்.

படம் குறித்து ஜெகதீசன் சுபு கூறுகையில்:
கேம்ஸ் உருவாக்கும் சாப்ட்வேர் இன்ஜினியராக வெற்றி, ஹேர் ஸ்டைலிஸ்ட்டாக அரியா செல்வராஜ் நடித்துள்ளனர். ஒருநாள் வெற்றி பார்ட்டிக்குச் செல்லும்போது, அங்கு அவர் பார்க்கும் காட்சிகள் நிஜமா, கற்பனையா என்ற குழப்பத்தில் தவிக்கிறார். பிறகு என்ன நடக்கிறது என்பது கதை. சைக்காலஜி திரில்லர் ஜானரில் படம் உருவாகியுள்ளது என்றார்.