LEO – Bloody Sweet: ரிலீஸ் தேதியுடன் `தளபதி 67′ டைட்டில் – இதுவும் லோகேஷ் யுனிவர்ஸில் இடம்பெறுமா? | Leo – Bloody Sweet: Lokesh Kanagaraj’s ‘Thalapathy 67’ title revealed

இயக்குநர் லோகேஷ் கனகராஜ் – விஜய்யின் கூட்டணியில் வெளியான ‘மாஸ்டர்’ திரைப்பட வெற்றிக்குப் பிறகு இருவரும் மீண்டும் இணையும் திரைப்படம் ‘தளபதி 67’. செவன் ஸ்கிரீன் ஸ்டுடியோ தயாரிக்கும் இப்படத்திற்கு அனிருத் இசையமைக்கிறார். லோகேஷ் கனகராஜின் ‘மாநகரம்’, ‘கைதி’, ‘மாஸ்டர்’, ‘விக்ரம்’ என அனைத்து திரைப்படங்களுக்கும் படத்தொகுப்பாளராக இருந்த பிலோமின் ராஜ் இப்படத்திலும் பணிபுரிகிறார். ‘பீஸ்ட்’ படத்தில் விஜய்யுடன் இணைந்த ஒளிப்பதிவாளர் மனோஜ் பரமஹம்சா இதற்கும் ஒளிப்பதிவு செய்கிறார்.

மன்சூர் அலி கான், ஆக்ஷன் கிங் அர்ஜுன், இயக்குநர் கௌதம்  வாசுதேவ் மேனன், இந்தி நடிகர் சஞ்சய் தத், இயக்குநர் மிஷ்கின், சாண்டி மாஸ்டர், மேத்யூ தாமஸ், த்ரிஷா, பிரியா ஆனந்த் உள்ளிட்ட பலர் இப்படத்தில் நடிக்கின்றனர். சமீபத்தில் படம் தொடர்பான அதிகாரபூர்வமான அறிவிப்புகளை அடுத்தடுத்து வெளியிட்டிருந்த படக்குழு, இப்போது கூடுதல் பரிசாகப் படத்தின் டைட்டிலுடன் ரிலீஸ் தேதியையும் அறிவித்திருக்கிறது.