ஹரீஷ் கல்யாண் ஜோடி இவானா & Harish Kalyan’s heroine Ivana

2/3/2023 12:50:55 PM

பிரபல கிரிக்கெட் வீரர் தோனி, திரைப்படம் மற்றும் வெப்சீரிஸ் தயாரிப்பில் ஈடுபட்டுள்ளார். தற்போது அவரது தோனி எண்டர்டெயின்மெண்ட் தமிழில் தயாரிக்கும் முதல் படம், ‘எல்ஜிஎம்’ (லெட்ஸ் கெட் மேரீட்). இதில் நதியா, ஹரீஷ் கல்யாண், இவானா, யோகி பாபு நடிக்கின்றனர். ‘நாச்சியார்’, ‘லவ் டுடே’ ஆகிய படங்களில் ஹீரோயினாக நடித்திருந்த மலையாள நடிகை இவானா, தற்போது ஹரீஷ் கல்யாண் ஜோடியாக ஒப்பந்தமாகியுள்ளார். இப்படத்தின் தொடக்க விழாவில் சாக்‌ஷி சிங் தோனி கலந்துகொண்டார்.

விஸ்வஜித் ஒளிப்பதிவு செய்ய, ரமேஷ் தமிழ்மணி இசை அமைத்து இயக்குகிறார். சாக்‌ஷி சிங் தோனி எழுதிய கதையை மையமாக வைத்து, பேமிலி சென்டிமெண்ட் கலந்து இப்படம் உருவாக்கப்படுகிறது. இதுகுறித்து சாக்‌ஷி சிங் தோனி கூறுகையில், ‘பல்வேறு மொழிகளில் தொடர்ந்து இதுபோன்ற அர்த்தமுள்ள கதைகளை ரசிகர்களுக்கு வழங்க ஆவலுடன் காத்திருக்கிறோம்’ என்றார்.