Varisu Deleted Scenes Exclusive: `சரத்குமாரின் நண்பன் பிரகாஷ் ராஜ்! விஜய்யின் கபடி!’- வம்சி ஷேரிங்ஸ்|Varisu movie director vamshi padipally post release interview

விஜய்- பிரகாஷ்ராஜ் மீட்டிங்….!

படத்தின் நாயகன் விஜய் பிரகாஷ் ராஜின் அலுவலகத்திற்கு சென்று பேசும் மாஸான சீன் ஒன்று இருந்தது. முதலில் மரியாதையோடு பிரகாஷ் ராஜை அணுகிப் பேசுவார் விஜய். அப்போது விஜய்யை சீண்டும் விதமாக ”உன்னை உங்க அப்பா பேச அனுப்பினாரா? உங்க அப்பாவிடம் போய் என் காலில் விழுந்து மன்னிப்புக் கேட்க சொல்லு” என்பது போல் பேசுகிறார் பிரகாஷ்ராஜ். இதற்கு பின்னர் தான் விஜய்யின் மேனரிஸம் முழுவதுமாக மாறி, ‘மாமே… எனக்கு 5 நிமிஷம்தான் மரியாதையா பேச வரும். நான் வந்து உன்கிட்ட பேசும்போது, நீ பெரிய மனுஷனா நடந்திருக்கணும். ஆனா, நடந்துக்கலை. ஆடலாம் மாமே… கபடி கபடி கபடி” என்று ‘கில்லி’ டோனில் விஜய் மாஸாக பேசும் டயலாக் கூட வைத்திருந்தோம்.

பிரகாஷ்ராஜ் – சரத்குமார் மீட்டிங் 

“விஜய் – பிரகாஷ் ராஜிடம் ‘என் அப்பாக்கிட்ட என்ன இல்லை… பணம், பவர் எல்லாமே இருக்கு. ஆனா, அந்த மனுஷன் கேட்டது என்ன தெரியுமா? நிம்மதியான சாவு’ என்று விஜய் கூறிவார். அதன் பிறகு, விஜய்யுடன் வந்து சரத்குமாரை பிரகாஷ்ராஜ் சந்திக்கும் சீன் ஒன்று இருந்தது. பயங்கர எமோஷனான சீன் அது. அப்போது ஒரு சிகரெட்டை பற்றவைத்து சரத்குமாரிடம் கொடுத்து, இருவரும் உரையாடத் துவங்குவார்கள். “உனக்கு ஞாபகம் இருக்கா… நம்ம நட்பு இந்த சிகரெட்டில் இருந்துதான் ஆரம்பமானது. என் வாழ்க்கையில் உன்னை சந்திக்கவில்லை என்றால் என் அப்பாவுடைய மகனாக மட்டுமே இருந்திருப்பேன். உன்னை ஜெயிக்கணும்னு நான் நினைச்ச பிறகுதான், எனக்கான ஒரு அடையாளம் கிடைச்சது. அதற்கு நன்றி. உன் இளைய மகனை சந்தித்த பிறகு, வாழ்வின் இறுதி நிமிடங்களில் நிம்மதி எவ்வளவு முக்கியம் என்பதை புரிந்துகொண்டேன். இப்போது உன்னைச் சந்தித்துப் பேசவில்லை என்றால், நான் இறக்கும் தருவாயில் நிம்மதி இருக்காது. என்னை மன்னிச்சிடு நண்பா” என்று சரத்குமாரிடம் மன்னிப்பு கேட்பார் பிரகாஷ் ராஜ்.