Cinema Roundup: `GOAT’ அப்டேட்; வெற்றிமாறன் – கவின் கூட்டணி; மஞ்சும்மல் ரகசியம்; இந்த வார அப்டேட்ஸ்! | goat update vetrimaran kavin movie this week top cinema updates

மீண்டும் இணையும் அயோத்தி கூட்டணி!

அறிமுக இயக்குநர் மந்திர மூர்த்தி இயக்கத்தில் நடிகர் சசிகுமார் நடிப்பில் கடந்த ஆண்டு ‘அயோத்தி’ திரைப்படம் வெளியாகியிருந்தது. மனிதம் பேசிய இத்திரைப்படம் பட்டி தொட்டியெங்கும் பேசப்பட்டது. மீண்டும் மந்திர மூர்த்தி இயக்கத்தில் சசிகுமார் நடிக்கவிருக்கிறார். இத்திரைப்படத்தை கோபுரம் ஃபிலிம்ஸ் நிறுவனம் தயாரிக்கிறது.

‘GOAT’ அப்டேட் !

நடிகர் விஜய் நடிக்கும் ‘கோட்’ திரைப்படத்தின் படப்பிடிப்பு நடைபெற்று வரும்போதே, படத்தின் போஸ்ட் ப்ரொடக்‌ஷன் பணிகளையும் தொடங்கியிருக்கிறது படக்குழு. சமீபத்தில் இத்திரைப்படத்தின் தயாரிப்பாளர் அர்ச்சனா கல்பாத்தி, ‘கோட்’ திரைப்படத்தின் இறுதிக்கட்ட பணிகள் தொடங்கிவிட்டதாகத் தனது இன்ஸ்டா ஸ்டோரியில் பதிவிட்டிருந்தார். இதுமட்டுமின்றி, இந்த இன்ஸ்டா ஸ்டோரியின் மூலம் லோலா வி.எஃப்.எக்ஸ் நிறுவனத்தில்தான் கிராபிக்ஸ் பணிகள் நடந்து வருவதாக தகவல் ஒன்றையும் கொடுத்திருந்தார்.

அமெரிக்காவிலுள்ள இந்த கிராபிக்ஸ் நிறுவனம்தான் மார்வெல் நிறுவனத்தின் ‘கேப்டன் அமெரிக்கா – சிவில் வார்’ திரைப்படத்தின் கிராபிக்ஸ் பணிகளை மேற்கொண்டது என்பது குறிப்பிடத்தக்கது. இந்நிலையில், இன்று (மே 18) இயக்குநர் வெங்கட் பிரபுவும் தனது சமூக வலைத்தள பக்கத்தில் லோலா வி.எஃப்.எக்ஸ் நிறுவனத்தில் நடிகர் விஜய்யை வைத்து கிராபிக்ஸ் பணிகள் முடிந்துவிட்டதாகக் குறிப்பிட்டிருக்கிறார்.