Thalamai Seyalagam: ஊழலில் சிக்கும் தமிழக முதல்வர்; தேடப்படும் கொலைக் குற்றவாளி – க்ளிக் ஆகிறதா? | Thalamai Seyalagam Web Series Review: A politically ambitious outing clicks as an investigative thriller

சுரண்டும் நில உடைமையாளர்களை அழித்தொழிப்பு செய்யும் நக்சல் அரசியலைச் சரியாகச் சித்திரித்து இருந்தாலும், நிகழ்காலத்தில் அவர்களின் அரசியல் நிலைப்பாட்டை இன்னும் முதிர்ச்சியாகக் கையாண்டிருக்கலாம். பொதுமக்கள் இருக்குமிடத்தில் காவல்துறை துப்பாக்கிச் சூடு நடத்துவது, மதில் சுவர் ஏறிக் குதித்து ஓடும் குற்றவாளிகளை காவல்துறை பிடிக்க முடியாமல் விடுவது, அலைப்பேசி டவர், சிசிடிவியை பல காட்சிகளில் பயன்படுத்தாமலே இருப்பது என எக்கசக்க லாஜிக் சறுக்கல்கள் இதன் நம்பகத்தன்மையை இழக்கச் செய்கிறது.

ஒரே கோர்வையான காட்சியில்கூட பரத் ஒரு கட்டில் தாடியுடனும், அடுத்த கட்டில் தாடியில்லாமல் இருக்கும் அளவுக்குத் தொடர்ச்சி ஜம்ப் அடிக்கிறது.

பல இடங்களில் காட்சியைத் தூக்கி நிறுத்தும் வேலையை மிக நேர்த்தியாகச் செய்திருக்கிறது ஜிப்ரானின் பின்னணி இசை. பல மாநிலங்களுக்கு மாறி மாறிச் செல்லும் ரவிசங்கரின் கேமராவின் ஒளியுணர்வு சிறப்பான டோனைத் தொடருக்கு செட் செய்கிறது. படத்தொகுப்பாளர் 6வது மற்றும் 7வது எபிசோடுகளில் டல்லடிக்கும் காட்சிகளை இன்னும் 2X ஸ்பீடில் கத்திரி போட்டிருக்கலாம்.