சிங்கம் சிங்கிளா வரும் : மாஸ் காட்டும் வெங்கடேஷ் பட்
13 ஏப், 2024 – 11:37 IST
சின்னத்திரையில் குக் வித் கோமாளி நிகழ்ச்சியின் மூலம் மக்கள் மனதில் இடம்பிடித்தார் சமையல் கலைஞர் வெங்கடேஷ் பட். குக் வித் கோமாளி சீசன் 5 விரைவில் துவங்க உள்ள நிலையில அதில் தான் இடம்பெறவில்லை என்பதை பகிரங்கமாக அறிவித்த அவர், இதை விட புதிய பரிணாமத்தில் பிரம்மாண்டமான நிகழ்ச்சியில் ரசிகர்களை சந்திக்க இருப்பதாக கூறியிருந்தார்.
இந்நிலையில், அவர் புதிதாக பங்கேற்கும் நிகழ்ச்சிக்காக டப்பிங் பேசும் வீடியோவை இன்ஸ்டாகிராமில் தற்போது பகிர்ந்துள்ளார். அந்த பதிவில் சிங்கம் சிங்கிளா தான் வரும். நீங்க சொல்லிட்டீங்க நாங்க ஆரம்பிக்கிறோம் என்று பதிவிட்டிருக்கிறார். இதனையடுத்து குக் வித் கோமாளி நிகழ்ச்சியின் ரசிகர்கள் வெங்கடேஷ் பட்டை மிஸ் செய்வதாக புலம்பி வருகின்றனர். மேலும், அவர் இணைந்துள்ள புதிய நிகழ்ச்சிகள் குறித்த தகவலையும் ஆவலுடன் கேட்டு வருகின்றனர்.
+ There are no comments
Add yours