What to watch on Theatre & OTT: DeAr, ஆவேஷம், வர்ஷங்களுக்கு சேஷம் – இந்த வாரம் என்ன பார்க்கலாம்?

ரோமியோ (தமிழ்)

விநாயக் வைத்தியநாதன் இயக்கத்தில் விஜய் ஆண்டனி, மிர்ணாளினி ரவி, யோகி பாபு, விடிவி கணேஷ் உள்ளிட்டோர் நடிப்பில் உருவாகியுள்ள திரைப்படம் ‘ரோமியோ’. விஜய் ஆண்டனி, விருப்பமில்லாமல் தன்னைத் திருமணம் செய்துகொண்ட மனைவியைக் காதலித்து, அவரது மனதை கவர நினைப்பதுதான் இதன் கதைக்களம். இன்றைய தலைமுறையினரின் திருமண வாழ்வை காமெடியாகப் பேசும் இத்திரைப்படம் ஏப்ரல் 11-ம் தேதி திரையரங்குகளில் வெளியாகியுள்ளது.

DeAr (தமிழ்)

ஆனந்த் ரவிச்சந்திரன் இயக்கத்தில் ஜி.வி.பிரகாஷ், ஐஸ்வர்யா ராஜேஷ் உள்ளிட்டோர் நடிப்பில் உருவாகியுள்ள திரைப்படம் ‘DeAr’. திருமணமான புது தம்பதிகளான ஜி.வி.பிரகாஷ் – ஐஸ்வர்யா ராஜேஷ் இருவருக்குமிடையே சின்னச் சின்ன சண்டைகள் வருகின்றன. ஐஸ்வர்யா ராஜேஷின் குறட்டைப் பிரச்னை ஜி.வி.பிரகாஷுக்குப் பெரும் தொல்லையாகிறது. இதனால் மாறிமாறி சண்டைப் போட்டுக்கொள்ளும் இருவரும் ஒருவரை ஒருவர் புரிந்துகொண்டார்களா என்பதுதான் இதன் கதைக்களம். இத்திரைப்படம் ஏப்ரல் 11-ம் தேதி திரையரங்குகளில் வெளியாகியுள்ளது.

பையா (தமிழ்) ரீ-ரிலீஸ்

லிங்குசாமி இயக்கத்தில் கார்த்தி, தமன்னா நடிப்பில் 2010ம் ஆண்டு வெளியாகி நல்ல வரவேற்பைப் பெற்ற திரைப்படம் ‘பையா’. கார் பயணத்தில் நிகழும் அழகானக் காதல் கதையான இது ஏப்ரல் 11ம் தேதி குறிப்பிட்ட சில திரையரங்குகளில் ரீ-ரிலிஸாகியிருக்கிறது.

Marivillin Gopurangal (மலையாளம்)

அருண்போஸ் இயக்கத்தில் இந்திரஜித் சுகுமாரன், ஸ்ருதி ராமச்சந்திரன், சர்ஜனோ காலித், வின்சி உள்ளிட்டோர் நடிப்பில் உருவாகியுள்ள திரைப்படம் ‘Marivillin Gopurangal’. காதல், திருமண வாழ்வு, குடும்பம் என ஜாலியான காதல் திரைப்படமான இது இன்று (ஏப்ரல் 11ம் தேதி) திரையரங்குகளில் வெளியாகியுள்ளது.

வர்ஷங்களுக்கு சேஷம் (மலையாளம்)

வினித் சீனிவாசன் இயக்கி நடித்திருக்கும் படம்  ‘வர்ஷங்களுக்கு சேஷம்’. இப்படத்தில், பிரணவ் மோகன்லால், தியான் சீனிவாசன், கல்யாணி பிரியதர்ஷன், பசில் ஜோசப், ஒய்.ஜி.மகேந்திரன், நிவின் பாலி உட்படப் பலர் நடித்துள்ளனர். அம்ரித் ராம்நாத்தின் இசையில் உருவாகியிருக்கும் இப்படம் ஏப்ரல் 11ம் தேதி திரையரங்குகளில் வெளியாகியுள்ளது.

ஆவேஷம் (மலையாளம்)

‘ரோமஞ்சம்’ படத்தின் இயக்குநர் ஜித்து மாதவன் இயக்கியிருக்கும் படம் ‘ஆவேஷம்’. ஆக்ஷன் நகைச்சுவைப் பாணியில் உருவாகியுள்ள இப்படத்தை பகத் பாசில் மற்றும் அன்வர் ரஷித் இணைந்து தயாரித்து இருக்கின்றனர். இப்படம் ஏப்ரல் 11ம் தேதி திரையரங்குகளில் வெளியாகியுள்ளது.

Sriranga Neethulu (தெலுங்கு)

பிரவீன் குமார் இயக்கத்தில் சுஹாஸ் பகோலோ, கார்த்திக் ரத்னம், விராஜ் அஸ்வின், ருஹானி ஷர்மா உள்ளிட்டோர் நடிப்பில் உருவாகியுள்ள திரைப்படம் ‘Sriranga Neethulu’. இத்திரைப்படம் ஏப்ரல் 12ம் தேதி திரையரங்குகளில் வெளியாகியுள்ளது.

Mercy Killing (தெலுங்கு)

வெங்கட் ரமணா சுரப்பள்ளி இயக்கத்தில் பர்வடீசம், உள்ளிங்கலா ஐஸ்வர்யா, சாய் குமார், பேபி ஹரிகா உள்ளிட்டோர் நடிப்பில் உருவாகியுள்ள தெலுங்குத் திரைப்படம் ‘Mercy Killing’. காதல் கதையோடு சேர்த்து சமூக பிரச்னைகளையும், பெண்களின் பிரச்னைகளையும் பற்றிப் பேசும் இத்திரைப்படம் ஏப்ரல் 12-ம் தேதி திரையரங்குகளில் வெளியாகியுள்ளது.

Night Curfew (தெலுங்கு)

வென்சி ரவிந்திரா இயக்கத்தில் மாலாஶ்ரீ, ரஞ்சனி ராகவன், ப்ரமொட் உள்ளிட்டோர் நடிப்பில் உருவாகியுள்ள திரைப்படம் ‘Night Curfew’. இத்திரைப்படம் ஏப்ரல் 12ம் தேதி திரையரங்குகளில் வெளியாகியுள்ளது.

Appa I Love You (கன்னடம்)

அதர்வா ஆர்யா இயக்கத்தில் பிரேம் குமார், மன்விடா கமத், சஞ்சய் உள்ளிட்டோர் நடிப்பில் உருவாகியுள்ள திரைப்படம் ‘Appa I Love You’. இத்திரைப்படம் ஏப்ரல் 12ம் தேதி திரையரங்குகளில் வெளியாகியுள்ளது.

Muktha Manasu (கன்னடம்)

ஆர்.சி. ரங்கசேகர் இயக்கத்தில் மோகன் ரங்கநாத, மன்யா கெளவுடா, ஷோப் ராஜ் உள்ளிட்டோர் நடிப்பில் உருவாகியுள்ள கன்னடத் திரைப்படம் ‘Muktha Manasu’. ரொமாண்டிக், திரில்லர் திரைப்படமான இது ஏப்ரல் 12ம் தேதி திரையரங்குகளில் வெளியாகியுள்ளது.

Scam 1770 (கன்னடம்)

விகாஷ் புஷ்பகிரி இயக்கத்தில் ரகு சிவமோகா, சுரேஷா, ரன்ஜன் உள்ளிட்டோர் நடிப்பில் உருவாகியுள்ள திரைப்படம் ‘Scam 1770’. ராபரி, திரில்லர் திரைப்படமான இது ஏப்ரல் 12ம் தேதி திரையரங்குகளில் வெளியாகியுள்ளது.

Mirza (பெங்காலி)

சுமீட் கோராடிய இயக்கத்தில் அங்குஷ் ஹஸ்ரா, ஒயின்ட்ரிலா சென், கௌசிக் கங்குலி உள்ளிட்டோர் நடிப்பில் உருவாகியுள்ள திரைப்படம் ‘Mirza’. ஆக்‌ஷன், திரில்லர் திரைப்படமான இது நாளை (ஏப்ரல் 12ம் தேதி) திரையரங்குகளில் வெளியாகிறது.

Bade Miyan Chote Miyan (இந்தி)

அலி அப்பாஸ் ஜாபர் இயக்கத்தில் அக்ஷய் குமார், டைகர் ஷெராஃப், பிருத்விராஜ் சுகுமாரன் உள்ளிட்டோர் நடிப்பில் உருவாகியுள்ள திரைப்படம் ‘Bade Miyan Chote Miyan’. ஆக்‌ஷன், திரில்லர் திரைப்படமான இது நாளை (ஏப்ரல் 12ம் தேதி) திரையரங்குகளில் வெளியாகிறது.

Maidaan (Hindi)

இந்தியக் கால்பந்தாட்டத்தின் பொற்காலமான 1951 – 62 ஆண்டுகளில் எஸ்.ஏ.ரஹீம் என்ற பயிற்சியாளர் உருவாக்கிய இந்திய அணி செய்த சாதனைகளை ரத்தமும் வியர்வையுமாக கண்முன் நிறுத்தும் முயற்சியே இந்த பயோபிக். ஏ.ஆர்.ரஹ்மான் இசையமைத்திருக்கும் இப்படத்தை அமித் ஷர்மா இயக்கியிருக்கிறார். அஜய் தேவ்கன், பிரியாமணி உள்ளிட்டோர் நடித்துள்ளனர். இந்தப் படம் 11-ம் தேதி திரையரங்குகளில் வெளியாகியுள்ளது.

ஓ.டி.டி ரிலீஸ் படங்கள்

அமர் சிங் சம்கிலா (இந்தி) – Netflix

இம்தியாஸ் அலி இயக்கத்தில் பரிணீதி சோப்ரா, தில்ஜித் தோசன்ஜ் நடிப்பில் உருவாகியுள்ள பாலிவுட் பயோபிக் படம் ‘அமர் சிங் சம்கிலா’. இப்படத்துக்கும் ஏ.ஆர்.ரஹ்மான்தான் இசை! இத்திரைப்படம் Netflix தளத்தில் வெளியாகியுள்ளது.

The Greatest Hits (ஆங்கிலம்) – Disney+ Hotstar

நெட் பென்சன் எழுதி, தயாரித்து, இயக்கிய திரைப்படம் ‘The Greatest Hits’ லூசி பாய்ன்டன், ஜஸ்டின் எச்.மின், டேவிட் கோரன்ஸ்வெட் மற்றும் ஆஸ்டின் க்ரூட் ஆகியோர் இந்த பேன்டஸி படத்தில் நடித்துள்ளனர். இப்படம் Disney+ Hotstar தளத்தில் வெளியாகியுள்ளது.

Woody Woodpecker Goes to Camp (ஆங்கிலம்) – Netflix

ஜான் ரோசன்பாம் இயக்கத்தில், லைவ்-ஆக்சன்/அனிமேஷன் செய்யப்பட்ட ஸ்லாப்ஸ்டிக் காமெடி திரைப்படம் ‘Woody Woodpecker Goes to Camp’. 2017-ம் ஆண்டு வெளியான ‘Woody Woodpecker’ திரைப்படத்தின் தொடர்ச்சியாக இப்படம் எடுக்கப்பட்டிருக்கிறது. யுனிவர்சல் 1440 என்டர்டெயின்மென்ட் நிறுவனம், யுனிவர்சல் அனிமேஷன் ஸ்டுடியோஸுடன் இணைந்து இப்படத்தைத் தயாரித்து இருக்கிறது. தற்போது இப்படம் Netflix தளத்தில் வெளியாகியுள்ளது.

தியேட்டர் டு ஓடிடி

பைரி (தமிழ்) – Amazon Prime Video

ஜான் கிளாடி இயக்கத்தில் மேகனா எலன், சரண்யா ரவிச்சந்திரன், ஜான் கிளாடி உள்ளிட்டோர் நடிப்பில் வெளியான திரைப்படம் ‘பைரி’. தாய் – மகனுக்குமான உறவை புறா பந்தயத்தின் பின்னணியில் சொல்லும் இத்திரைப்படம், Amazon Prime Video தளத்தில் வெளியாகியுள்ளது.

டெவில் (தமிழ்) – Aha

ஜி.ஆர். ஆதித்யா இயக்கத்தில் விதார்த், மிஷ்கின், பூர்ணா, சுபஸ்ரீ ராயகுரு உள்ளிட்டோர் நடிப்பில் வெளியான திரைப்படம் ‘டெவில்’. புதுமணத் தம்பதியினர் வாழ்வில் நடக்கும் உறவுச் சிக்கலைப் பற்றிப் பேசும் இத்திரைப்படம் Aha தளத்தில் வெளியாகியுள்ளது.

Gaami (தெலுங்கு) – Zee5

வித்யாகர் ககிடா இயக்கத்தில் விஷ்வக் சென், சாந்தினி செளத்ரி, முகமது ஷமது உள்ளிட்டோர் நடிப்பில் வெளியான திரைப்படம் ‘Gaami’. அட்வன்சர், ஃபேன்டஸி திரைப்படமான இது Zee5 தளத்தில் தற்போது வெளியாகியுள்ளது.

Om Bheem Bush (தெலுங்கு) Amazon Prime Video

ஸ்ரீ ஹர்ஷா கோனுகண்டி இயக்கத்தில் ஸ்ரீ விஷ்ணு, பிரியதர்ஷி புலிகொண்டா, ராகுல் ராமகிருஷ்ணா உள்ளிட்டோர் நடிப்பில் வெளியான தெலுங்குத் திரைப்படம் ‘Om Bheem Bush’. காமெடி திரைப்படமான இது Amazon Prime Video தளத்தில் வெளியாகியுள்ளது.

பிரேமலு – Disney + Hotstar

கிரிஷ் ஏ.டி. இயக்கத்தில் நஸ்லின், மமிதா பைஜு, ஷியாம் மோகன் உள்ளிட்டோர் நடிப்பில் வெளியான திரைப்படம் ‘Premalu’. காதலும் காமெடியும் நிறைந்த இத்திரைப்படம் மலையாளத்தில் வெளியாகி வரவேற்பைப் பெற்றிருந்த நிலையில் தற்போது தமிழிலும் டப் செய்யப்பட்டு Disney+ Hotstar தளத்தில் வெளியாகியுள்ளது.

Source link