கார்த்திக் சுப்புராஜின் இயக்கத்தில் சூர்யா நடிக்கவிருப்பது அவரது 44வது படமாகும். ‘ஜிகர்தண்டா டபுள் எக்ஸ்’ வெற்றியினால் சூர்யா – கார்த்திக் சுப்புராஜ் கூட்டணி உருவானது என எண்ணிவிட வேண்டாம். சூர்யாவின் அடுத்த படங்களை இயக்கப் போகும் இயக்குநர்கள் பட்டியலில் வெற்றிமாறன், ரவிக்குமார், லோகேஷ் கனகராஜ், கார்த்திக் சுப்புராஜ், த.செ.ஞானவேல் எனப் பலரும் உள்ளனர். அத்தனை பேருமே சூர்யாவிடம் ஒன்லைன் சொல்லி, அதன் ஸ்கிரிப்ட் வேலைகளையும் ஒரு பக்கம் கவனித்து வருகின்றனர்.
கார்த்திக் சுப்புராஜின் படம் ‘Love, Laughter, War’ என்ற டேக் லைனுடன் வெளியாகியிருக்கிறது. இது முழுக்க முழுக்க சூர்யாவுக்காகவே உருவான கதை என்கிறார்கள். சுதா கொங்கராவின் படம் தொடங்க, இன்னும் சில மாதங்கள் பிடிக்கும் என்பதால், அதற்குள் ‘சூர்யா 44’ படத்தின் படப்பிடிப்பை முழுவதுமாக நடத்தி முடித்துவிட பக்காவாகத் திட்டமிட்டு வருகிறார்கள். பவுண்டட் ஸ்கிரிப்ட்டும் ரெடி என்பதால், வெகு விரைவில் நடிகர்கள், தொழில்நுட்ப கலைஞர்கள் தேர்வு இருக்கும் என்றும், தேர்தல் முடிந்த உடன், படப்பிடிப்புக்குக் கிளம்புகின்றனர் என்றும் சொல்கிறார்கள்.
+ There are no comments
Add yours