சின்னத்திரையில் ‛தித்திக்குதே ஸ்ரீதேவி – Sridevi in Television

சின்னத்திரையில் ‛தித்திக்குதே’ ஸ்ரீதேவி

30 மார், 2024 – 15:17 IST

நடிகர் விஜயகுமார் மற்றும் மஞ்சுளாவின் கடைசி மகளான ஸ்ரீதேவி விஜயகுமார் தமிழில் காதல் வைரஸ், தித்திக்குதே ஆகிய படங்களில் நடித்து பிரபலமானவர். திருமணத்திற்கு பின் படங்கள் நடிப்பதை குறைத்துக் கொண்ட அவர், தற்போது சின்னத்திரையில் என்ட்ரி கொடுத்துள்ளார். விஜய் டிவியில் ஒளிபரப்பாகும் ஜோடி ஆர் யூ ரெடி என்கிற நிகழ்ச்சியில் நடுவராக ஸ்ரீதேவி கலந்து கொண்டுள்ளார். இப்போதும் பார்ப்பதற்கு இளமையாக இளம் ஹீரோயின்களுக்கு டப் கொடுக்கும் அழகுடன் ஸ்ரீதேவி ஜொலிக்கிறார். எனவே, அவரை மீண்டும் நடிக்க வர சொல்லி ரசிகர்கள் அன்பு தொல்லை செய்து வருகின்றனர்.