Lollu Sabha Seshu: “10 லட்ச ரூபாய் இல்லாமல் சேஷூ மாமா உயிர் போயிடுச்சு..!” – `A1′ இயக்குநர் ஜான்சன் | A1 Director Johnson shares his working experience with Actor Lollu Sabha Seshu

“லொள்ளு சபா’ சேஷூவின் மரணம் தமிழ் சினிமா ரசிகர்களுக்கு பெரிய சோகத்தை ஏற்படுத்தியிருக்கிறது. பொதுவாகவே காமெடி நடிகர்களின் இழப்பு ஒரு மீளாத் துயரத்தைக் கொடுக்கும். ‘லொள்ளு சபா’ மூலமாகவும் பல படங்களின் வாயிலாகவும் நம்மைச் சிரிக்க வைத்த சேஷூவின் மரணமும் நமக்கு அப்படி ஒரு துயரத்தைத்தான் கொடுத்திருக்கிறது. சேஷூ என்றதும் நமக்கு ஞாபகம் வரும் பல காமெடிகளில், ‘A1’ பட காமெடிகளும் அடக்கும். அதிலும் சேஷூ சொல்லும், ‘நான் யாருன்னு என்ன கேக்குறத விட, வேற யார்கிட்டயாவது போய் அவர் யாருன்னு கேட்டு பாரு… அச்சச்சோ அவரா, பயங்கரமான ஆளாச்சே, அப்டின்னு சொல்லுவா’ என்கிற வசனம் ரொம்பவே ஃபேமஸ்.