ஜீ தமிழில் ஒளிபரப்பாகிக் கொண்டிருக்கும் தொடர் ‘நளதமயந்தி’. இந்தத் தொடரில் நாயகியாக நடித்துக் கொண்டிருப்பவர் நடிகை பிரியங்கா. இவர் ஏற்கெனவே சன் டிவியில் ஒளிபரப்பான ‘ரோஜா’ தொடரின் மூலம் பரிச்சயமானவர். பிரியங்கா காதல் திருமணம் செய்து கொண்டார். திருமணத்திற்குப் பிறகும் தொடர்ந்து தொடர்களில் நடித்துக் கொண்டிருக்கிறார்.
சமூகவலைதளப் பக்கங்களில் ஆக்டிவ் ஆக இருந்த பிரியங்கா இரண்டு நாள்களுக்கு முன்னர் தனது இன்ஸ்டாகிராம் பக்கத்தை முடக்கப் போவதாக அறிவித்திருந்தார். மேலும், புரோமோஷனுக்காக அவருக்கு சேலை, நகை என அனுப்பியவர்கள் அவருக்கு நேரடியாக மெசேஜ் அனுப்பும்படியும் அவற்றைத் திருப்பி அனுப்பிவிடுவதாகவும் தெரிவித்திருந்தார். பிரியங்காவின் இந்த திடீர் முடிவுக்கு என்னக் காரணம் எனத் தெரியவில்லை. அவருடைய ரசிகர்கள் அவரை மிஸ் செய்வதாக கமென்ட் செய்து கொண்டிருக்கின்றனர்.
சன் டிவியில் ஒளிபரப்பாகிக் கொண்டிருக்கும் தொடர் ‘எதிர்நீச்சல்’. இந்தத் தொடரில் ஆதிரை கதாபாத்திரத்தில் நடித்துக் கொண்டிருப்பவர் சத்யா தேவராஜன். சத்யா அவருடைய இன்ஸ்டாகிராம் பக்கத்தில் பதிவொன்றை பதிவிட்டிருக்கிறார். அந்தப் பதிவு தற்போது வைரலாகி வருகிறது.
அதில், “நான் வருகிற நாள்களில் புது புராஜக்ட்களை எடுத்துக் கொள்ளலாம் என முடிவெடுத்திருக்கிறேன். இது தொடர்பாக யாரெல்லாம் ஏற்கெனவே என்னை தொடர்பு கொண்டீர்களோ என்னை இப்போது தொடர்பு கொள்ளலாம். நல்ல டீம், நல்ல ஸ்கிரிப்ட் இருக்கிறதென்றால் என்னைத் தொடர்பு கொள்ளுங்கள்!” எனக் குறிப்பிட்டிருக்கிறார். இதன் மூலம் அவர் ‘எதிர்நீச்சல்’ தொடரிலிருந்து விலகப் போகிறார் என சமூகவலைதளப் பக்கங்களில் கருத்துகள் பரவி வருகின்றன. ஆனால், அந்தக் கருத்திற்கும் சத்யா மறுப்புத் தெரிவித்து வருகிறார்.
விஜய் டிவியில் புதியதாக வரவிருக்கும் தொடர் ‘பனி விழும் மலர்வனம்’. இந்தத் தொடரில் ‘ஈரமான ரோஜாவே’ தொடரில் நடித்திருந்த சித்தார்த் கதாநாயகனாக நடிக்கிறார். அவருக்கு ஜோடியாக ‘பிக் பாஸ்’ சீசன் 7-ல் போட்டியாளராக கலந்து கொண்ட வினுஷா நடிக்கிறார்.
வினுஷா ‘பாரதி கண்ணம்மா’ தொடரின் மூலம் மக்களுக்குப் பரிச்சயமானவர் என்பதால் இந்தத் தொடர் ரசிகர்கள் மத்தியில் எதிர்பார்ப்பை ஏற்படுத்தியிருக்கிறது. மேலும், இந்தத் தொடரில் ‘தமிழும் சரஸ்வதியும்’ தொடர் பிரபலம் ஆர்யனும் நடிக்கிறார். இந்தத் தொடர் குறித்த அதிகாரபூர்வமான அறிவிப்பு விரைவில் வெளியாகும் எனத் தெரிகிறது.
+ There are no comments
Add yours