What to watch on Theatre & OTT: ஜோஷ்வா, போர், Dune Part Two – இந்த வாரம் என்ன படம் பார்க்கலாம்? | What to watch on Theatre and OTT: February last week’s movie releases list

போர் (தமிழ்) / டாங்கே (இந்தி)

பிஜாய் நம்பியார் இயக்கத்தில் அர்ஜுன் தாஸ், காளிதாஸ் ஜெயராம், டிஜே பானு, சஞ்சனா நடராஜன் உள்ளிட்டோர் நடிப்பில் உருவாகியுள்ள திரைப்படம் “போர்’. இரண்டு நெருங்கிய நண்பர்கள் எதிரெதிர் துருவங்களாக மாறி நிற்கின்றனர். இந்த இருவருக்கும் இடையேயான யுத்தத்தில் என்னெவெல்லாம் நடந்தது, அதில் குளிர் காய்பவர்கள் யார் என்பதுதான் இதன் கதைக்களம். ஆக்‌ஷன், திரில்லர் நிறைந்த இத்திரைப்படம் மார்ச் 1ம் தேதி (இன்று) திரையரங்குகளில் வெளியாகியுள்ளது. இந்தியில் இந்தப் படம் ‘Dange’ என்ற பெயரில் வேறு சில நடிகர்களுடன் உருவாகியிருக்கிறது என்பது குறிப்பிடத்தக்கது.

ஜோஷ்வா ‘இமை போல் காக்க’ (தமிழ்)

கௌதம் வாசுதேவ் மேனன் இயக்கத்தில் வருண், கிருஷ்ணா, ராஹி, திவ்யதர்ஷினி (DD) உள்ளிட்டோர் நடிப்பில் உருவாகியுள்ள திரைப்படம் ‘ஜோஷ்வா – இமை போல் காக்க’. கொலை கும்பலிடம் சிக்கித் தவிக்கும் கதாநாயகியைக் காப்பாற்ற ஆக்‌ஷனில் களமிறங்குகிறார் கதாநாயகன் ஜோஷ்வா. இந்தக் கொலை கும்பலின் பின்னணி என்ன, இந்த ஆக்‌ஷன் திரில்லர் நிறைந்த தோட்டாக்களின் விளையாட்டில் என்ன நடந்தது என்பதுதான் இதன் கதைக்களம். இத்திரைப்படம் மார்ச் 1ம் தேதி (இன்று) திரையரங்குகளில் வெளியாகியுள்ளது.