`விமானத்தில் கூட நடனமாடத் தயார்; படத்தில் வாய்ப்பு கொடுங்கள்!’ மணிரத்னத்திடம் கோரிக்கை வைத்த ஷாருக் |Actor Shah Rukh Khan’s request to Mani Ratnam

தில்சே படத்தில் ஷாருக் கான் ஓடும் ரயில் மீது நடனமாடுவார். இருவரும் சமீபத்தில் நிகழ்ச்சி ஒன்றில் சேர்ந்து கலந்துகொண்டனர். இதில் மணிரத்னத்துடன் சேர்ந்து மீண்டும் படம் பண்ண விரும்புகிறீர்களா என்று கேட்கப்பட்டது. அதற்கு பதிலளித்த ஷாருக் கான்,”‘ ஒவ்வொரு முறையும் என்னை சேர்த்து ஒரு படம் பண்ணும்படி கேட்கிறேன். இப்போதும் கெஞ்சிக்கேட்கிறேன். மணி ரத்னம் படத்தில் நடிப்பதற்காக எந்த எல்லைக்கும் போகத்தயார். இந்த முறை விமானத்தில் நடனமாட சொன்னால் நடனமாட தயாராக இருக்கிறேன்” என்றார்.

உடனே, ஷாருக் கான் விமானம் வாங்கியவுடன் அவரை அதன் மீது நடனமாட வைப்பதாக மணிரத்னம் தெரிவித்தார். உடனே விடாமல் பேசிய ஷாருக்கான், `மணி என் படங்கள் எப்படி என்பதை சொல்கிறேன். விமானங்கள் அதிக தூரத்தில் இல்லை’ என்றார். மணி ரத்னமும் அந்த விமானத்தை பூமிக்குக் கொண்டு வருவேன் என்றும் கவலைப்படவேண்டாம் என்றும் நகைச்சுவையாகத் தெரிவித்தார். `தில் சே’ படத்தில் வரக்கூடிய `சைய்ய சைய்ய’ பாடல் மிகவும் பிரபலம் அடைந்தது.

ஷாருக்கானுக்கு டெல்லியில் நடந்த விழாவில் 2023ம் ஆண்டின் இந்தியாவின் சிறந்த மனிதர் விருது கொடுக்கப்பட்டது. இதில் பேசிய ஷாருக்கான்,” கடந்த நான்கு, ஐந்து வருடங்களில் நானும் என் குடும்பமும் பல்வேறு போராட்டங்களை சந்தித்தோம். எனது பெரும்பாலான படங்கள் தோல்வியடைந்தன. நிறைய விமர்சகர்கள் எனது தோல்வி குறித்து எழுதினர். சில முட்டாள்கள் அதையே செய்தார்கள்.