Priyamani: `பாலிவுட் நடிகர்கள், நடிகைகள் குறித்துத் தெரிந்தபோது ஆச்சரியமாக இருந்தது'- பிரியாமணி

தமிழில் ‘பருத்தி வீரன்’  படத்தின் மூலம்  பிரபலமான பிரியாமணி தற்போது தெலுங்கு, இந்தி என தொடர்ந்து படங்களில் நடித்து வருகிறார். 

நாளை(பிப் 23) வெளியாக உள்ள  ‘ஆர்டிகிள் 370’ படத்திலும் நடித்திருக்கிறார். இந்நிலையில் பாலிவுட்  நடிகர்கள், நடிகைகள் குறித்து அவர் பேசிய வீடியோ ஒன்று சமூக வலைதளங்களில் வைரலாகி வருகிறது. 

அந்த வீடியோவில் பேசிய அவர், “ பாலிவுட் நடிகர்கள், நடிகைகள் ஏர்போர்ட், ஜிம், வாக்கிங் என  எங்கு சென்றாலும் புகைப்படக் கலைஞர்கள் புகைப்படம் எடுக்கிறார்கள். என்னை ஏன் யாரும் புகைப்படம் எடுப்பதில்லை என்று நண்பர் ஒருவரிடம் கேட்டேன்.  அதற்கு பதிலளித்த அவர், ‘ நீங்கள் அதற்கு புகைப்படக்காரர்களுக்கு பணம் கொடுக்க வேண்டும் என்றார்.

அப்போதுதான் இதைப்போல புகைப்படமெடுக்க நாம் எங்கு செல்கிறோம் என்ற தகவல்களையும், அவர்கள் கேட்கும் தொகையையும் கொடுக்க வேண்டும் என்பதைத் தெரிந்துகொண்டேன். அது தவறு என நான் கூறவில்லை. ஆனால் இந்த விஷயம் தெரிந்தபோது எனக்கு ஆச்சரியமாக இருந்தது” என்று கூறியிருக்கிறார்.

Source link