‘‘இனிமே நம்ம வண்டி இருக்கு… யாரும் கஷ்டப்பட வேணாம்!’’ – மலைக் கிராமத்தின் துயர் துடைத்த பாலா | Actor Bala donated an ambulance to a remote village in Vaniyambadi

ஊர் மக்களிடம் ஆம்புலன்ஸை ஒப்படைத்த மகிழ்ச்சியை வெளிப்படுத்தும் விதமாக செய்தியாளர்களிடம் பேசிய பாலா, ‘‘இதுக்கு முன்னாடி நாலு ஆம்புலன்ஸ் கொடுத்திருக்கிறோம். ஆனாலும், இந்த ஐஞ்சாவது ஆம்புலன்ஸ்தான் ரொம்பவே ஸ்பெஷல். ராஜேஸ்வரின்னு ஒரு அக்கா பிரசவ வலியில துடிச்சதாகவும், தீப்பந்தம் கொளுத்தி அந்த வெளிச்சத்துலயே மலையில இருந்து கீழே கொண்டு வந்ததாகவும் செய்திகளில் படிச்சேன். விசாரிச்சிப் பார்க்கிறப்போ, வாகன வசதி இல்லாத மலைக்கிராமம்னு தெரியவந்துச்சு.

இதுக்கு முன்னாடியும் நிறைய பேரை இந்த மாதிரி தூக்கிட்டு வரும்போது, மலைப் பாதையிலயே குழந்தை பிறந்திருக்காம். இரவு நேரத்துல தூக்கிட்டு வரும்போது, வழியில பாம்புக்கூட கடிச்சிடும்னு கேள்விப்பட்டேன். அதான், ஆம்புலன்ஸ் வாங்கிக் கொடுத்திருக்கேன். இனிமே, நம்ம வண்டி இருக்கு. தூக்கிட்டு வர வேண்டிய அவசியமும் இல்ல. யாரும் கஷ்டப்படவும் வேணாம். இந்த மலை ரோட்டுல ஜீப், ஆம்புலன்ஸ் மாதிரியான வண்டிங்க மட்டும்தான் போக முடியுது. என்கிட்ட காசு மட்டும் இருந்துச்சினா, ரோட்டையும் இப்பவே போட்டுக் கொடுத்திடுவேன். ஆனா, என்கிட்ட அந்த அளவுக்குக் காசு இல்ல. என்ன இருந்தாலும், இன்னைக்கு எனக்கு மிகவும் திருப்தியான நாள்’’ என்றார் இனிமையான புன்முறுவலோடு!