ஒரு துப்பாக்கிச் சண்டையில் முதுகில் ஒரு குண்டை வாங்கியிருக்கிறார். அறுவை சிகிச்சையில் அந்த குண்டு அகற்றப்பட்டிருக்கிறது. விடுமுறைக்காக வீட்டிற்கு வந்த சமயத்தில் சுமைகளை தூக்க முடியாமல் சிரமப்பட்ட போதுதான் பெற்றோரிடமும் மனைவியிடமும் உண்மையைச் சொல்லியிருக்கிறார் முகுந்த். அதேமாதிரி, ஒரு முறை கண்ணி வெடியில் காலை வைத்துவிட சகவீரர்களின் உதவியோடு மயிரிழையில் அந்த ஆபத்திலிருந்து தப்பியிருக்கிறார்.
கேம்ப்பிலுமே முகுந்த் கொஞ்சம் ஜாலியான ஆள்தானாம். சக வீரர்களுக்கு பிறந்தநாள் எனில் முந்தைய நாள் இரவே அவர்கள் முன் கேக்கோடு ஆஜர் ஆகிவிடுவாராம். பார்ப்பதற்கு வாட்ட சாட்டமாக நடிகர் மாதவன் போல இருப்பதால் கேம்ப்பில் நெருங்கிய நண்பர்கள் இவரை மேடி என்றும் அழைப்பதுண்டு.
தேசப்பாதுகாப்புக்கான பணியை உத்வேகத்தோடும் பெருமையோடும் பார்த்து வந்த மேஜருக்கு ஏப்ரல் 25 ஆம் தேதி இறுதிநாளாக மாறியது. 2013 ஜூனில் அல்தாப் பாபாவை ஆப்பிள் தோட்டத்தில் சுட்டு வீழ்த்தினார் இல்லையா? அங்கே அவரிடமிருந்து சில பொருள்களையும் கைப்பற்றி வந்திருந்தார். அதில், கோட் வேர்டுகள் நிரம்பிய ஒரு லெட்டரும் அடக்கம். அந்த லெட்டரை தொழில்நுட்ப ரீதியாக செயல்படும் குழுவிடம் கொடுத்து டீகோட் செய்ய சொல்லியிருந்தார். மூன்று மாதங்கள் இந்த வேலை நடந்திருந்தது. தினசரி அது குறித்த அப்டேட்டை கேட்டு தெரிந்துகொண்டே இருக்கிறார். ஒருகட்டத்தில் தொழில்நுட்ப குழு அந்த கோட் வேர்டுகளை உடைத்துவிட்டது.
+ There are no comments
Add yours