KPY Bala: “வாழவைத்த சென்னைக்கு என்னால் முடிந்த உதவி இது”- 200 பேருக்கு தலா ரூ.1000 வழங்கிய பாலா |kpy bala helped 200 families in chennai

தங்களால் இயன்ற உதவிகளை மக்களுக்கு பலரும் செய்து வருகின்றனர்.  அந்தவகையில் விஜய் டிவி பிரபலமான KPY பாலா வெள்ளத்தில் சிக்கி பாதிக்கப்பட்ட  200  குடும்பங்களுக்கு  தலா 1000 ரூபாய் கொடுத்து உதவி செய்திருக்கிறார். இதுகுறித்துப் பேசிய அவர், “ வந்தாரை வாழவைக்கும் சென்னை; என்னையும் இந்த சென்னைதான் வாழ வைத்தது. என்னை வாழவைத்த சென்னைக்கு என்னால் முடிந்த உதவி இது. 2015-ல் வெள்ளம் வந்தபோது உதவி செய்ய வேண்டும் என்ற ஆசை இருந்தது.

ஆனால் அப்போது என்னிடம் பணம் இல்லை. அதனால்தான் இப்போது என் கணக்கில் இருந்த சுமார் ரூ.2 லட்சத்தை எடுத்து ஒவ்வொரு குடும்பத்திற்கும் தலா ரூ.1000 கொடுத்து இருக்கிறேன்” என்றார். ஏற்கெனவே பாலா பல உதவிகளை மக்களுக்குச் செய்து வருகிறார். சில மாதங்களுக்கு முன்பு இலவச ஆம்புலன்ஸ் சேவை ஒன்றைத் தொடங்கி வைத்திருந்தார். தன்னால் இயன்ற உதவிகளை எளியோர்களுக்கு செய்துவரும் பாலாவை  சமூக வலைதளங்களில்  பலரும் பாராட்டி வருகின்றனர்.