மல்டி ஸ்டாரராக உருவாகும் இந்தப் படத்தில் ஜெயம் ரவி, த்ரிஷா, துல்கர் சல்மான் ஆகியோரும் இணைந்திருக்கின்றனர். மணிரத்னத்தின் ஆஸ்தான தொழில்நுட்ப கலைஞர்களான எடிட்டர் ஸ்ரீகர் பிரசாத், ஒளிப்பதிவாளர் ரவி.கே.சந்திரன், இசையமைப்பாளர் ஏ.ஆர்.ரஹ்மான் இதில் கைகோர்த்துள்ளனர். ஸ்டன்ட் காட்சிகளை அன்பறிவு மாஸ்டர்கள் வடிவமைக்கின்றனர்.
இந்தப் படத்தின் டைட்டில் அறிவிப்பு வீடியோ ஒன்று தற்போது வெளியாகி சமூக வலைதளங்களில் வைரலாகி வருகிறது. அந்த வீடியோவில் கமல் தன்னை, ‘ரங்கராய சக்திவேல் நாயக்கர்’ என்று அறிமுகப்படுத்திக் கொள்கிறார். அதன்பிறகு, ‘காலன் என்னைத் தேடி வந்தது இது முதல் முறையல்ல, கடைசி முறையும் இல்லை’ என்ற வசனத்துடன் எதிரிகளை ஜப்பானிய சண்டைக் கலையால் துவம்சம் செய்கிறார்.
+ There are no comments
Add yours