நான்: ‘தாய்’ நாகேஷின் ‘கொமட்டுல குத்துவேன்!’

நடிகர் ரவிச்சந்திரன் பிசியாக இருந்த காலம் அது. 1967-ம் ஆண்டு அவர் நடிப்பில் எட்டு திரைப்படங்கள் வெளியாயின. அதில் சூப்பர் ஹிட்டான படங்களில் ஒன்று, ‘நான்’. ரவிச்சந்திரன், ஜெயலலிதா நடிப்பில் டி.ஆர்.ராமண்ணா இயக்கிய ‘குமரிப்பெண்’ வெற்றி பெற்றதால் அதே ‘சக்சஸ் காம்போ’வை கொண்டு உருவாக்கியப் படம் இது. இதன் கதை, வசனத்தை டி.கே.பாலு எழுதினார். விநாயகா பிக்சர்ஸ் டி.கே.ராமராஜன் தயாரித்தார்.

பிறந்த நாளுக்காக அரண்மனைக்கு அழைத்து வந்த தனது மகனின் நண்பர்களை, அவமானப்படுத்தி அனுப்பிவிடுகிறார், ராஜாவான அப்பா. இதைத் தாங்க முடியாத மகன் சின்ன ராஜா, வீட்டைவிட்டு வெளியேறிவிடுகிறார். 15 வருடம் கழித்து மகன் திரும்பி வராத நிலையில், அந்த ஏக்கத்திலேயே இறந்துவிடுகிறார், ராஜா. அதற்கு முன், தனது மகனைக் கண்டுபிடித்து சொத்துகளை அவனிடம் கொடுக்க வேண்டும் என்று நண்பர்களிடம் சொல்கிறார். காணாமல் போன சின்ன ராஜாவைக் கண்டுபிடிக்க பேப்பரில் விளம்பரம் கொடுக்கிறார்கள். ‘நான் தான் ராஜாவின் மகன்’ என்று பங்களாவுக்கு மூன்று பேர் வந்து நிற்கிறார்கள். அதில் உண்மையான மகன் யார் என்பதுதான் கதை.

Source link