`அதைச் சொல்ல விரும்பல!’- தவறாக செய்த ஆபரேஷன்; முதல்வருக்கு நன்றி! – இயக்குநர் விக்ரமன் |director vikraman address his thanks to chief minister stalin

1990 ஆம் ஆண்டு வெளியான ‘புதுவசந்தம்’ படம் மூலம் திரையுலகிற்கு அறிமுகமானவர் இயக்குநர் விக்ரமன். அவர் இயக்கத்தில் வெளியான ‘சூர்ய வம்சம்’, ‘பிரியமான தோழி’, ‘வானத்தைப்போல’ போன்ற படங்கள் மிகப்பெரிய வெற்றியைப் பெற்றுள்ளன. கடைசியாக  அவரது இயக்கத்தில் வெளியான படம் ‘நினைத்தது யாரோ’ அதன் பிறகு அவர் படம் எதுவும் இயக்கவில்லை.

இதனிடையே விக்ரமனின் மனைவி ஜெயப்பிரியா தனியார் மருத்துவமனையின் தவறான அறுவை சிகிச்சை காரணமாக கடந்த ஐந்து வருடங்களாக கால்களைக் கூட அசைக்க முடியாமல் படுத்த படுக்கையாக இருப்பதாகவும், அவரை கவனித்துக் கொள்ளவே விக்ரமன் படங்கள் இயக்குவதை நிறுத்திவிட்டதாகவும் தன் சொத்துக்களை விற்றுதான் மருத்துவ செலவைப் பார்ப்பதாகவும் செய்திகள் வெளியாகின.