Friends: `வாழ்க்கை புன்னகைக்கும்படியாக இல்லை!’ – ப்ரெண்ட்ஸ் சீரிஸ் புகழ் மேத்யூ பெரி மறைவு! | Friends’ star Matthew Perry passed away

பெரியின் மரணத்தில் சந்தேகிக்கும் படியாக எதுவும் இல்லை, சம்பவ இடத்தில் போதை பொருட்கள் எதுவும் கண்டறியப்படவில்லை எனத் தெரிவிக்கப்பட்டிருக்கிறது.

மேத்யூ பெரியின் எதிர்பாராத இந்த இறப்பு குறித்து பிரண்ட்ஸ் சீரிஸை தயாரித்த வார்னர் பிரோஸ் நிறுவனம் உட்பட ஹாலிவுட்டில் நட்சத்திரங்கள் மற்றும் அவரது ரசிகர்கள் மிகுந்த சோகத்தில் தங்கள் இரங்கல்களைத் தெரிவித்து வருகின்றனர்.

மேத்யூ பெரி ஹாலிவுட்டில் பல படங்களிலும் வெப் சீரிஸிலும் இடம் பெற்றிருந்த நடிகர். ஆனால், அவரை உலகெங்கிலும் ஒரு பரிச்சயமான முகமாக மாற்றியது 90களில் வெளியான “சிட்-காம் பிரண்ட்ஸ்’ – இல் அவர் நடித்த ‘சாண்டலர் பிங்’ கதாபாத்திரம் தான். அவருடைய படங்களும், ஆன் ஸ்கிரீன் கதாபாத்திரங்களும் எப்போதும் நகைச்சுவையும், மென்மையான கதாபாத்திரமாகவும் இருந்தாலும், பெரியின் வாழ்க்கை அத்தனை மென்மையானதாக இல்லை. ப்ரெண்ட்ஸ் சீரிஸ் நடித்துக் கொண்டிருக்கும் போது, அதாவது தன் புகழின் உச்சியில் இருந்த காலகட்டத்தில், பெரி போதை பொருளுக்கு அதிலும் குறிப்பாக வலி நிவாரணிகளுக்கு அடிமையானார். இதனால் ரொமாண்டிக்காக எடை கூடுவதும் குறைவதுமாக இருந்தார். மேத்யூ திருமணம் செய்து கொள்ளவில்லை.