சலார் எமோஜிக்கள் அறிமுகம் – Introducing Salaar Emojis

‘சலார்’ எமோஜிக்கள் அறிமுகம்

22 அக், 2023 – 12:15 IST

‘கேஜிஎப்’ பட இயக்குனரான பிரசாந்த் நீல் இயக்கத்தில் பிரபாஸ், ஸ்ருதிஹாசன் மற்றும் பலர் நடிக்கும் படம் ‘சலார்’. இந்த வருடம் டிசம்பர் 22ம் தேதி வெளியாக உள்ள இப்படத்தின் புரமோஷன்களை படக்குழு ஆரம்பித்துவிட்டது.

இன்னும் சரியாக இரண்டு மாதங்கள் உள்ள நிலையில் இன்று எக்ஸ் தளத்தில் ‘சலார்’ படத்திற்கான எமோஜிக்களை படக்குழுவினர் அறிமுகம் செய்துள்ளார்கள். அதில் ”பிரபாஸ், சலார்’ மற்றும் சில வாசகங்களை பதிவு செய்தால் அந்த எமோஜிக்கள் இடம் பெறும் விதமாக செய்யப்பட்டுள்ளது.

இதைத் தொடர்ந்து படக்குழு தொடர் புரமோஷன்களில் இறங்கும் எனத் தெரிகிறது. இந்த ஆண்டு ஹிந்தி, தமிழ் உள்ளிட்ட மொழிகளில் வெளியான சில படங்கள் வசூல் சாதனையைப் புரிந்திருக்கிறது. தெலுங்கு, கன்னடப் படங்கள் அவ்வளவு வசூலைப் பெறாமலேயே உள்ளது. அந்த விதத்தில் ‘சலார்’ படம் என்ன சாதனை படைக்கப் போகிறது என தெலுங்கு சினிமா ரசிகர்கள் காத்திருக்கிறார்கள்.