Chandramukhi 2 Ott Release When And Where To Watch

பி.வாசு இயக்கத்தில் சமீபத்தில் வெளியான படம் சந்திரமுகி 2. ரசிகர்கள் நீண்ட நாட்களாக எதிர்பார்த்து காத்திருந்த படங்களுள் இதுவும் ஒன்று. இப்படம் திரையரங்கில் வெளியாகி ரசிகர்களின் வரவேற்பை பெற்றதை தொடர்ந்து ஓடிடியில் வெளியாக உள்ளது. 

சந்திரமுகி 2:

பி.வாசு இயக்கத்தில் கடந்த 2005ஆம் ஆண்டு வெளியான படம், சந்திரமுகி. இப்படத்தின் இரண்டாம் பாகம் கிட்டத்தட்ட 18 ஆண்டுகள் கழித்து, சில வாரங்களுக்கு முன்பு வெளியானது. முதல் பாகத்தில் ரஜினிகாந்த் ஹீரோவாக நடிக்க, இரண்டாம் பாகத்தில் ராகவா லாரன்ஸ் ஹீரோவாக நடித்துள்ளார். இரண்டு பாகங்களையும் பி.வாசுதான் இயக்கினார். சந்திரமுகி 2 படத்தில் கங்கனா ரனாவத் சந்திரமுகி கதாப்பாத்திரத்தில் நடித்துள்ளார். 

ஓடிடியில் வெளியீடு:

சந்திரமுகி 2 திரைப்படம் கடந்த செப்டம்பர் மாதம் 28ஆம் தேதி திரையரங்குகளில் வெளியானது. இப்படத்திற்கு சினிமா ரசிகர்களிடம் இருந்து மோசமான விமர்சனங்கள் எழுந்திருந்தாலும், இப்படத்தை குடும்பத்தினருடன் பார்த்தவர்களுக்கு பிடித்திருந்தது. இப்படத்தின் டிஜிட்டல் உரிமையை நெட்ஃபிளிக்ஸ் தளம் வாங்கியுள்ளது. இப்படம், நெட்ஃபிளிக்ஸ் தளத்தில் வரும் 26ஆம் தேதி வெளியாகிறது. இதற்கான அதிகாரப்பூர்வ அறிவிப்பும் வெளியாகியுள்ளது.

மேலும் படிக்க | சந்திரமுகி படத்தின் SPOOF-ஹா இந்த சந்திரமுகி 2? திரைவிமர்சனம் இதோ!

படத்திற்கு ரசிகர்கள் அளித்த வரவேற்பு..

சந்திரமுகி முதல் பாகத்தில், படம் முழுவதும் த்ரில்லர் அம்சங்கள் பல நிறைந்திருக்கும். அப்படத்தில், ‘சந்திரமுகி ஒரு ஆவி’ என்பது போல காண்பித்து, கடைசியில் “கங்காவிற்கு இருப்பது ஒரு மனநோய்” என்பது போல கதையை முடித்திருப்பர். இப்படத்தை பலர் இன்று வரை பேய் படம் என்று நினைத்து கொண்டிருக்கின்றனர். உண்மையில், சந்திரமுகி படத்தின் இரண்டாம் பாகம்தான் பேய் படமாக உருவாகியுள்ளது. சந்திரமுகி யார்? வேட்டையன் ராஜா யார்? சந்திரமுகி பேயாக மாறியதற்கு காரணம் என்ன? என்பது போன்ற அம்சங்கள் இப்படத்தில் இடம் பெற்றுள்ளன. பலரை இப்படம் கடுப்பேற்றினாலும், சிலருக்கு இந்த படத்தில் இடம் பெற்றிருந்த காமெடி வசனங்களும், த்ரில்லர் காட்சிகளும் பிடித்துள்ளன. 

மொத்த வசூல்:

சந்திரமுகி 2 படத்தை லைகா நிறுவனம் தயாரித்திருந்தது. இப்படம் மொத்தம் 60-65 கோடி வரை செலவு செய்யப்பட்டு எடுக்கப்பட்டதாக கூறப்படுகிறது. தற்போது வரை இப்படம் உலகளவில் சுமார் 51 கோடி வசூல் செய்திருக்கலாம் என்று கணிக்கப்பட்டுள்ளது. 

படக்குழுவினர்:

சந்திரமுகி 2 படத்தில் முக்கிய கதாப்பாத்திரங்களாக ராகவா லாரன்ஸ் மற்றும் கங்கனா ரனாவத் ஆகியோர் நடித்துள்ளனர். இவர்களை தவிர, படத்தில் பல முக்கிய கதாப்பாத்திரங்களும் இருக்கின்றன. முதல் பாகத்தில் முருகேசன் கதாப்பாத்திரம், இந்த பாகத்திலும் அதே பெயரில் தாெடர்ந்தது. இதில் வடிவேலு நடித்திருந்தார். ராதிகா, லக்ஷமி மேனன், மகிமா நம்பியார், சிருஷ்டி டாங்கே, சுரேஷ் சந்திர மேனன் உள்ளிட்ட பலர் இப்படத்தில் நடித்துள்ளனர். 

முதல் பாகத்தில் சந்திரமுகி அறையில் ஒரு பாம்பு தங்கியிருப்பது போல காண்பித்திருப்பர். இந்த பாகத்திலும் அந்த பாம்பு வருகிறது. ஆனால் முதல் பாகத்தை போலவே இந்த பாகத்திலும் அந்த பாம்பிற்கு வேலையே இல்லை.

மேலும் படிக்க | சந்திரமுகி 2 படத்தில் அதிக சம்பளம் பெற்ற பிரபலம் யார்..? இதோ முழு விவரம்..! 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ