What to watch on Theatre & OTT: leo, Bodies, Old Dads; இந்த வாரம் என்ன படம் பார்க்கலாம்?!

லியோ (தமிழ்)

லோகேஷ் கனகராஜ் இயக்கத்தில் விஜய், த்ரிஷா, சாண்டி மாஸ்டர், கெளதம் வாசுதேவ் மேனன், அர்ஜூன் சங்சய் தத் நடிப்பில் உருவாகியுள்ள திரைப்படம் ‘லியோ’. ஆக்‌ஷன், திரில்லர் திரைப்படமான இது அக்டோபர் 19ம் தேதி வெளியாகியுள்ளது.

இமாச்சல் பிரதேசத்தில் உள்ள தியோக் நகரத்தில் பார்த்திபன் (விஜய்), தன் மனைவி சத்யா (த்ரிஷா), தன் மகன் மற்றும் மகளுடன் அமைதியான வாழ்க்கை வாழ்ந்து வருகிறார். அவரது கஃபேயில் கொள்ளையர்கள் அட்டகாசம் செய்ய, தற்காப்புக்காக ஐந்து பேரைச் சுட்டுவிடுகிறார். உள்ளூர் தொடங்கி தேசிய மீடியாக்கள் வரை அவரைக் கொண்டாட, மாநிலவாரியாகப் பல கேங்ஸ்டர்கள் அவரை ‘லியோ’ என்று அடையாளப்படுத்தி பின்தொடர ஆரம்பிக்கிறார்கள். 20 வருடங்களுக்கு முன்பு இறந்ததாகச் சொல்லப்படும் ‘லியோ’தான் பார்த்திபனா, பார்த்திபன் தன்னையும் தன் குடும்பத்தையும் பாதுகாத்தாரா என்பதே படத்தின் கதை.

Bhagavanth Kesari (தெலுங்கு)

அனில் ரவிபுடி இயக்கத்தில் நந்தமுரி பாலகிருஷ்ணா, அர்ஜுன் ராம்பால், காஜல் அகர்வால், ஸ்ரீ லீலா உள்ளிட்டோர் நடிப்பில் வெளியாகியுள்ள திரைப்படம் ‘Bhagavanth Kesari’. தன் வளர்ப்பு மகள் ஸ்ரீ லீலாவின் தந்தையின் கனவை நிறைவேற்றுவதை இலக்காகக் கொண்டு வாழ்கிறார் நந்தமுரி பாலகிருஷ்ணா. இடையில் பிசினஸ் மேன் ஒருவருடன் பிரச்னை ஏற்படுகிறது. பிரச்னையை சமாளித்து தன் இலக்கை அடைந்தாரா என்பதை ஆக்ஷன் மசாலா பேக்கேஜாகக் சொல்லியிருக்கும் படம்.

Ghost (கன்னடம்)

ஸ்ரீனி இயக்கத்தில் சிவராஜ் குமார், எச்.ஜி.தத்தாத்ரேயா, ஜெயராம், அர்ச்சனா ஜோயிஸ் உள்ளிட்டோர் நடிப்பில் உருவாகியுள்ள திரைப்படம் ‘Ghost’. ஆக்‌ஷன், திரில்லர் திரைப்படமான இது அக்டோபர் 19ம் தேதி வெளியாகியுள்ளது.

Tiger Nageswara Rao (தெலுங்கு)

வம்சி இயக்கத்தில் ரவி தேஜா, அனுபம் கெர், காயத்ரி பரத்வாஜ் உள்ளிட்டோர் நடிப்பில் உருவாகியுள்ள திரைப்படம் ‘Tiger Nageswara Rao’. 1970-ல் நடந்த உண்மை சம்பவத்தை அடிப்படையாகக் கொண்டது. இது அக்டோபர் 20ம் தேதி வெளியாகியுள்ளது.

Ganapath (ஹிந்தி)

விகாஸ் பால் இயக்கத்தில் டைகர் ஷெராஃப், ஹிமான்ஷு ஜெய்கர், கீர்த்தி சனோன் உள்ளிட்டோர் நடிப்பில் உருவாகியுள்ள இந்தி திரைப்படம் ‘Ganapath’. நகரத்தில் நடக்கும் குற்றங்களைத் தடுக்கும் சூப்பர் ஹீரோ ஜானர் திரைப்படமான இது அக்டோபர் 19ம் தேதி திரையரங்குகளில் வெளியாகியுள்ளது.

yariyan 2 (இந்தி)

ராதிகா ராவ், வினய் சப்ரு இயக்கத்தில் திவ்யா கோஸ்லா குமார், மீசான் ஜாஃப்ரி, பேர்ல் வி பூரி உள்ளிட்டோர் நடிப்பில் உருவாகியுள்ள இந்தி திரைப்படம் ‘yariyan 2’. காதலரும் நண்பர்களுமான மூவர் , ஒரு நீண்ட பயணத்தின் மூலம் தங்களின் கடந்த கால காதல், நட்பு, சண்டைகளின் நினைவை ஜாலியாக அசைபோடுவதுதான் இதன் கதைக்களம். இத்திரைப்படம் அக்டோபர் 19ம் தேதி திரையரங்களில் வெளியாகியுள்ளது.

இந்த வார ஓடிடி ரிலீஸ்கள்

Old Dads (ஆங்கிலம்) – Netflix

பில் பர் இயக்கத்தில் ரேச்சல் ஹாரிஸ், கேட்டி அசெல்டன், சி. தாமஸ் ஹோவெல் உள்ளிட்டோர் நடிப்பில் உருவாகியுள்ள திரைப்படம் ‘Old Dads’. வாழ்க்கையில் குடும்பம், குழந்தைகள், வேலை என செட்டில்லான மூன்று நண்பர்கள் தங்களின் சிறுவயதில் ஒன்றாகப் படித்த பள்ளி, கல்லோரி நினைவுகளைத் தேடி பயணிக்கும் காமெடி கலாட்டா நிறைந்த திரைப்படம் இது. இத்திரைப்படம் அக்டோபர் 20ம் தேதி ‘Netflix’ ஓடிடி தளத்தில் வெளியாகியுள்ளது.

The Other Zoey (ஆங்கிலம்) – Amazon Prime Video

சாரா சாண்டிஹ் இயக்கத்தில் ஜோசபின் லாங்ஃபோர்ட், ட்ரூ ஸ்டார்கி, ஆர்ச்சி ரெனாக்ஸ் உள்ளிட்டோர் நடிப்பில் உருவாகியுள்ள திரைப்படம் ‘The Other Zoey’. காதலை வெறுக்கும் நல்ல புத்திசாலி ஹீரோ ஒரு கட்டத்தில் காதலில் வீழ்ந்து அதில் வரும் உறவுச் சிக்கல்களை எதிர்கொண்டாரா என்பதுதான் இதன் கதைக்களம்.

Maggie Moore (s) (ஆங்கிலம்) – Lionsgate Play

ஜான் ஸ்லேட்டரி இயக்கத்தில் ஜான் ஹாம், டினா ஃபே, நிக் முகமது உள்ளிட்டோர் நடிப்பில் உருவாகியுள்ள திரைப்படம் ‘Maggie Moore’. காவல் அதிகாரியான ஹீரோ ஒரே பெயரில் மர்மமான முறையில் கொலை செய்யப்பட்ட இரண்டு பெண்களின் கொலைக்குப் பின்னால் இருக்கும் மர்மங்களைக் கண்டுபிடிக்க போராடுவதுதான் இதன் கதைக்களம். க்ரைம் திரில்லர் திரைப்படமான இது அக்டோபர் 20ம் தேதி ‘Lionsgate Play’ ஓடிடி தளத்தில் வெளியாகியுள்ளது.

Sayen: Desert Road (Spanish) – Amazon Prime Video

அலெக்சாண்டர் விட் இயக்கத்தில் என்ரிக் ஆர்ஸ், ஜார்ஜ் லோபஸ், ஆல்ஃபிரடோ காஸ்ட்ரோ உள்ளிட்டோர் நடிப்பில் உருவாகியுள்ள திரைப்படம் ‘Sayen: Desert Road’. ஆக்‌ஷன் திரில்லர் திரைப்படமான இது ‘Amazon Prime Video’ ஓடிடி தளத்தில் அக்டோபர் 20ம் தேதி வெளியாகியுள்ளது.

The wandering Earth 2 (Mandarin) – Amazon Prime Video

ஃபிரான்ட் க்வோ இயக்கத்தில் வூ ஜிங், ஆண்டி லாவ், வாங் உள்ளிட்டோர் நடிப்பில் உருவாகியுள்ள திரைப்படம் ‘The wandering Earth 2’. சயின்ஸ் பிக்‌ஷன் திரைப்படமான இது அக்டோபர் 20ம் தேதி ‘Amazon Prime Video’ ஓடிடி தளத்தில் வெளியாகியுள்ளது.

இந்த வார வெப்சீரிஸ்கள்

Mansion 24 (தெலுங்கு) – Disney + Hotstar

ஓம்கார் இயக்கத்தில் வரலஷ்மி சரத்குமார், ராஜ்சேகர் அனிங்கி, சத்யராஜ், அவிகா கோர் உள்ளிட்டோர் நடிப்பில் உருவாகியுள்ள வெப்சீரிஸ் ‘Mansion 24’. மர்மங்கள் நிறைந்த மேன்சன் ஒன்றின் உள்ளே செல்பவர்கள் எல்லோரும் மர்மமான முறையில் இறந்து போகிறார்கள். அந்த வரிசையில் வரலஷ்மி சரத்குமாரின் தந்தை சத்யராஜும் உள்ளே சென்று காணமல் போக அவரைத் தேடி துணிச்சலாக அந்த மேன்சனுக்குள் செல்கிறார் வரலஷ்மி சரத்குமார். அவர் அவரது தந்தையும், அதன் மர்மத்தையும் கண்டுபிடித்தாரா? என்பதுதான் இதன் கதைக்களம்.

ஹாரர் திரில்லர் வெப்சீரிஸான இது அக்டோபர் 20ம் தேதி ‘Disney + Hotstar’ ஓடிடி தளத்தில் வெளியாகியுள்ளது.

Permanent Roommates S3 (இந்தி) – Amazon Prime Video

ஷ்ரேயான்ஷ் பாண்டே இயக்கத்தில் சுமீத் வியாஸ், நிதி சிங், தீபக் குமார் மிஸ்ரா, ஷிஷிர் சர்மா, உள்ளிட்டோர் நடிப்பில் உருவாகியுள்ள வெப்சீரிஸ் ‘Permanent Roommates S3’. முகேஷ் (சுமீத் வியாஸ்) மற்றும் தன்யா (நிதி சிங்) இருவருக்குமிடையே நடக்கும் காதல், நட்பு சண்டைகள்தான் இதன் கதைக்களம். இந்த வெப்சீரிஸ் அக்டோபர் 20ம் தேதி ‘Amazon Prime Video’ ஓடிடி தளத்தில் வெளியாகியுள்ளது.

Kaala Paani (இந்தி) – Netflix

அமித் கோலானி, சமீர் சக்சேனா ஆகியோர் இயக்கத்தில் மோனா சிங், அருஷி சர்மா, அசுதோஷ் கோவாரிகர் உள்ளிட்டோர் நடிப்பில் உருவாகியுள்ள இந்தி வெப்சீரிஸ் ‘Kaala Paani’. அந்தமான் நிக்கோபர் தீவில் மாட்டிக்கொண்டு போராடும் பெண்ணின் கதைதான் இதன் கதைக்களம். இந்த வெப்சீரிஸ் ‘Netflix’ ஓடிடி தளத்தில் வெளியாகியுள்ளது.

Bodies (ஆங்கிலம்) – Netflix

பால் டோமலின் இயக்கத்தில் ஜேக்கப் ஃபார்ச்சூன்-லாயிட், ஷிரா ஹாஸ், அமகா ஓகாஃபோர் உள்ளிட்டோர் நடிப்பில் உருவாகியுள்ள திரைப்படம் ‘Bodies’. லண்டனின் ஒரே தெருவில், ஒரே பிணம், ஒரே நேரத்துல கிடைக்கிறது. அதை நான்கு வெவ்வேறு காலகட்டங்களில் நான்கு துப்பறியும் நபர்கள் அந்தக் கொலையை விசாரித்துக் கண்டுபிடிப்பதுதான் இதன் கதைக்களம். க்ரைம் திரில்லர் வெப்சீரிஸான இது ‘Netflix’ ஓடிடி தளத்தில் வெளியாகியுள்ளது.

Neon (ஆங்கிலம்) – Netflix

எலி கோண்டா, மேக்ஸ் சியர்லே இயக்கத்தில் எஸ்ஸி காமாச்சோ, ரோஸ் எஷே, டாடி யாங்கி உள்ளிட்டோர் நடிப்பில் உருவாகியுள்ள திரைப்படம் ‘Neon’. மூன்று நண்பர்கள் பெரும் கனவுடன் உலகின் பல நாடுகளுக்கு பயணிப்பதுதான் இதன் கதைக்களம். இந்த வெப்சீரிஸ் Netflix’ ஓடிடி தளத்தில் வெளியாகியுள்ளது.

Uploads S3 (ஆங்கிலம்) – Amazon Prime Video

ஜெஃப்ரி பிளிட்ஸ், ஆல்பர்டோ பெல்லி இயக்கத்தில் ராபி அமெல், ஆண்டி அல்லோ, அலெக்ரா எட்வர்ட்ஸ், ஜைனப் ஜான்சன் உள்ளிட்டோர் நடிப்பில் உருவாகியுள்ள ஆங்கில வெப்சீரிஸ் ‘Uploads S3’. காதல் மற்றும் சயின்ஸ் பிக்ஸன் ஜானர் வெப்சீரிஸான இது ‘Amazon Prime Video’ ஓடிடி தளத்தில் வெளியாகியுள்ளது.

Rick and Morty : s7 (ஆங்கிலம்) -Netflix

ஹாலிவுட்டின் பிரபல அனிமேஷன் வெப்சீரிஸான இது ‘Netflix’ ஓடிடி தளத்தில் வெளியாகியுள்ளது.

தியேட்டர் டு ஓடிடி

ரெட் சாண்டல் வுட் (Red Sandal Wood) (தமிழ்) – Aha

குரு ராமானுஜம் இயக்கத்தில் வெற்றி, எம் எஸ் பாஸ்கர், தியா மயூரி, கேஜிஎஃப் ராம், கணேஷ் வெங்கட்ராம் உள்ளிட்டோர் நடிப்பில் உருவாகியுள்ள தமிழ்த் திரைப்படம் ‘Red Sandal Wood’. திரில்லர் திரைப்படமான இது ‘Aha’ ஓடிடி தளத்தில் வெளியாகியுள்ளது.

ஆந்திரப் பகுதியில் செம்மரம் கடத்தலில் தவறுதலாக மாட்டிக் கொள்ளும் தமிழ்நாட்டைச் சேர்ந்த இளைஞர்கள் அதிலிருந்து எப்படித் தப்பித்தார்கள் என்பதுதான் இதன் கதைக்களம்.

Mama Mascheendra (தெலுங்கு) – Amazon Prime Video

ஹர்ஷ வர்தன் இயக்கத்தில் சுதீர் பாபு, ஈஷா ரெப்பா, மிர்ணாலினி ரவி, ஹர்ஷ வர்தன், அலி ரெசா, ராஜீவ் கனகலா உள்ளிட்டோர் நடிப்பில் உருவாகியுள்ள திரைப்படம் ‘Maama Mascheendra.’ இரண்டு நண்பர்களின் காதல், கலாட்டா திரைப்படமான இது ‘Amazon Prime Video’ ஓடிடி தளத்தில் வெளியாகியுள்ளது.

Dream Girl 2 (இந்தி) – Netflix

ராஜ் சாண்டில்யா இயக்கத்தில் பரேஷ் ராவல், அனன்யா , ஆயுஷ்மான் குரானா உள்ளிட்டோர் நடிப்பில் உருவாகியுள்ள திரைப்படம் ‘Dream Girl 2’. பரேஷ் ராவல் தன் கனவு காதல் நாயகியாக அனன்யாவைக் காதலிக்கிறார். ஆனால், அனன்யாவோ அவரின் காதலை சீரியஸாக எடுத்துக் கொள்ளாமல் ஜாலியாக பழகி வருகிறார். இவர்களின் காதல் என்ன ஆனது என்பதுதான் இதன் கதைக்களம். இத்திரைப்படம் ‘Netflix’ ஓடிடி தளத்தில் வெளியாகியுள்ளது.

Transformers Rise of the Beasts (ஆங்கிலம்) – Amazon Prime Video

இப்படம் 2007-லிருந்து ஹாலிவுட்டில் பிரபலமாக இருந்துவரும் டிரான்ஸ் ஃபார்மர்ஸ் லைவ்-ஆக்ஷன் திரைப்பட வரிசையின் ஏழாவது பாகமாகும். ‘Bumblebee’ திரைப்படத்தின் வரவேற்பைத் தொடர்ந்து அதன் அடுத்த பாகமாக உருவாகியிருக்கும் இதை ஸ்டீவன் கேப்பிள் ஜூனியர் இயக்கியிருக்கிறார். அந்தோனி ராமோஸ், டொமினிக் ஃபிஷ்பேக், லூனா லாரன் வெலஸ் உள்ளிட்ட பல ஹாலிவுட் நடிகர்கள் நடித்துள்ளனர். ஆங்கில மொழியில் உருவான இத்திரைப்படம் தமிழ், இந்தி, தெலுங்கு எனப் பல மொழிகளில் ‘Amazon Prime Video’ ஓடிடி தளத்தில் வெளியாகியுள்ளது.

இதில் உங்கள் சாய்ஸ் என்னவாக இருக்கும்?

Source link