பாண்டியன் ஸ்டோர்ஸ் தொடரும் விரைவில் முடிவடைய இருக்கிறது. சமீபத்தில் `பாண்டியன் ஸ்டோர்ஸ்’ சீசன் 2 புரொமோ ஒளிபரப்பானது. இதில், பாண்டியன் ஸ்டோர்ஸில் நடித்திருந்த ஸ்டாலின் மட்டும் சீசன் 2 விலும் நடித்திருந்தார்.
பாண்டியன் ஸ்டோர்ஸில் மீனா கதாபாத்திரத்தில் நடித்திருந்த ஹேமா சதீஷ் சீசன்-2 வில் முக்கிய கதாபாத்திரத்தில் நடிப்பதாக வதந்திகள் பரவி வந்த நிலையில் அதற்கு முற்றுப்புள்ளி வைக்கும் வகையில் ஹேமா அவரது இன்ஸ்டாகிராம் பக்கத்தில், `தயவு செய்து பாண்டியன் ஸ்டோர்ஸ்-2-ல் நான் இருப்பதாக தவறான செய்தியை பரப்பாதீர்கள்! இதுவரையில் எதுவும் உறுதியாகவில்லை. ஏதாவது நல்ல விஷயங்கள் நடந்தால் அதனை மகிழ்ச்சியுடன் உங்களுக்கு தெரிவிப்பேன். நன்றி!’ எனக் குறிப்பிட்டிருக்கிறார்.
அதனால் மீனாவும் இல்லையா? என பாண்டியன் ஸ்டோர்ஸ் ரசிகர்கள் அவர்களுடைய கருத்துகளை கமென்ட் இட்டுக் கொண்டிருக்கின்றனர். சன் டிவியில் ஒளிபரப்பாகிக் கொண்டிருக்கும் தொடர் `பாண்டவர் இல்லம்’. கிட்டத்தட்ட ஐந்து ஆண்டுகளாக இந்தத் தொடர் ஒளிபரப்பாகிக் கொண்டிருக்கிறது.
பப்ரி கோஷ், ஆர்த்தி சுபாஷ், கிருத்திகா அண்ணாமலை, அனு, டெல்லி குமார் எனப் பல நட்சத்திர பட்டாளங்கள் இந்தத் தொடரில் இருந்தனர். மதிய நேரத்தில் ஒளிபரப்பாகிக் கொண்டிருந்த தொடர் தற்போது இறுதி அத்தியாயத்தை நெருங்கிக் கொண்டிருக்கிறது.
இந்நிலையில், சன் டிவியில் `பூவா தலையா’ என்கிற தொடர் வரவிருக்கிறது. `பாண்டவர் இல்லம்’ முடிவடைந்ததும் இந்தத் தொடர் அந்த நேரத்தில் ஒளிபரப்பாகலாம் எனத் தெரிகிறது. வரவிருக்கும் இந்தத் தொடரில் நடிகை சித்தாரா பல ஆண்டுகள் கழித்து என்ட்ரி கொடுத்திருக்கிறார்.
அடுத்ததாக, கனா காணும் காலங்கள் தொடருக்கென தனியொரு ரசிகர் பட்டாளமே இருக்கின்றது. விஜய் ஹாட்ஸ்டாரில் `கனா காணும் காலங்கள்’ வெப் சீரிஸாக வெளியானது. 90ஸ் கிட்ஸ் ரசித்த தொடரை 2k கிட்ஸூம் ரசித்தார்கள். அந்த சீரிஸில் நடித்திருந்த ராஜ வெற்றி பிரபுவும், தீபிகாவும் காதலித்து திருமணம் செய்து கொண்டனர். தற்போது அந்த சீரிஸின் இரண்டாம் பாகம் ஒளிபரப்பாகிக் கொண்டிருக்கிறது. அதன் இறுதிக்கட்ட படப்பிடிப்பும் தற்போது நிறைவடைந்திருக்கிறது.
அடுத்த சீசன் வருமா? என கனா காணும் காலங்கள் ரசிகர்கள் தொடர்ந்து கமென்ட் இட்டுக் கொண்டிருக்கின்றனர். சிலர், முந்தைய சீசன் அளவிற்கு சுவாரஸ்யமாக இந்த சீசன் இல்லை என்றும் குறிப்பிட்டு வருகின்றனர்.
+ There are no comments
Add yours