இப்படத்தில் நடிகர்கள் விக்ரம் பிரபு, `மாநகரம்’ ஸ்ரீ, விதார்த் ஆகியோர் நாயகர்களாகவும் நடிகைகள் ஷரத்தா ஸ்ரீநாத், அபர்ணதி, சான்யா ஐயப்பன் ஆகியோர் நாயகிகளாக நடித்துள்ளனர். அக்டோபர் 6 ஆம் தேதி திரையரங்குகளில் வெளியான இத்திரைப்படம் மக்களிடையே நல்ல வரவேற்பைப் பெற்று வருகிறது. இந்நிலையில் இப்படத்தின் சக்ஸஸ் மீட் நேற்று நடைபெற்றது. இதில் இயக்குநர் யுவராஜ், விக்ரம் பிரபு, விதார்த், அபர்ணதி ஆகியோர் கலந்துகொண்டனர்.
நிகழ்ச்சியில் பேசிய அபர்ணதி, “ இந்த படத்தில் நடித்ததற்கு நானே எனக்கு நன்றியைத் தெரிவித்துக்கொள்கிறேன். இந்த படத்தைப் பார்த்த ஆடியன்ஸ் எந்த ஒரு குறையும் சொல்லவில்லை. படம் பார்த்து வரவேற்பு கொடுத்த ஆடியன்ஸுக்கு நன்றி. வாழ்க்கையில் எல்லோருக்கும் ஒரு ஃப்ளாஷ் பேக் இருக்கும். அந்த மாதிரி எனக்கு ஒரு ஃப்ளாஷ் பேக் இருக்கு. நான் இந்த சினிமாவிற்குள் வருவதற்கு முன்னாடி என் அப்பாவின் நண்பரின் மகன் ‘ நீயெல்லாம் சினிமாவுக்கு போய் என்ன பண்ணப்போற’ என்று கேட்டார்.
+ There are no comments
Add yours