81வது பிறந்த நாள்: நள்ளிரவில் ரசிகர்களிடம் பிறந்தநாள் வாழ்த்துக்களை பெற்ற நடிகர் அமிதாப்பச்சன் -81st birthday: Actor Amitabh Bachchan received birthday wishes from fans at midnight

80 வயதைக் கடந்தும் ஓய்வில்லாமல் படங்களில் நடித்துக்கொண்டிருக்கிறார். எந்தக் கதாபாத்திரமாக இருந்தாலும் அதனை சவாலுடன் நடிப்பதை தனது விருப்பமாகக் கொண்டுள்ளார். அவரது பிறந்தநாளையொட்டி நேற்று இரவே அமிதாப்பச்சனுக்கு வாழ்த்து தெரிவிக்க ரசிகர்கள் அவரது இல்லத்தின் முன் கூடியிருந்தனர். அவர்களை ஏமாற்ற விரும்பாத அமிதாப் பச்சன் இரவு 12 மணிக்கு தனது வீட்டில் இருந்து வெளியில் வந்து அங்கு கூடியிருந்த ரசிகர்களிடம் பிறந்த நாள் வாழ்த்துக்களைப் பெற்றுக்கொண்டார்.

அமிதாப்பச்சன் ரசிகர்களுடன் கலந்துரையாடினார். இந்த நிகழ்வுகளை அமிதாப்பச்சன் மருமகள் ஐஸ்வர்யா ராய், பேத்தி ஆராத்யா பச்சன், நவ்யா நந்தா ஆகியோர் வீட்டிற்குள் இருந்து பார்த்தனர். அபிஷேக் பச்சன் படப்பிடிப்புக்காக வெளியூர் சென்று இருந்தார். அமிதாப்பச்சன் ரசிகர்களுடன் சேர்ந்து பிறந்த நாள் கொண்டாடுவதை வீடியோ கால் மூலம் ஐஸ்வர்யா ராய் தனது கணவருக்கு காண்பித்தார். ரசிகர்களை சந்தித்த பிறகு அமிதாப்பச்சன் தனது சோசியல் மீடியா பதில்,”‘ உங்களது ஆசிர்வாதம் எனது நல்லதிர்ஷ்டம்” என்று குறிப்பிட்டுள்ளார். அமிதாப்பச்சனுடன் இருக்கும் புகைப்படம் ஒன்றை சோசியல் மீடியாவில் நவ்யா நந்தா பகிர்ந்து தனது தாத்தா அமிதாப்பச்சனுக்கு பிறந்த நாள் வாழ்த்து தெரிவித்துள்ளார். சோசியல் மீடியாவில் அமிதாப்பச்சனுக்கு ரசிகர்களும், பாலிவுட் பிரபலங்களும் வாழ்த்துகளைக் கூறி வருகின்றனர்.