What to watch on Theater & OTT: ஆக்‌ஷன், க்ரைம், பேங்க் ராபரி – இந்த வாரம் என்ன படம் பார்க்கலாம்?! | What to watch on Theater & OTT: List of movies to watch this October second week

மத்தகம் – 2 (தமிழ்) – Disney+ Hotstar

பிரசாத் முருகேசன் இயக்கத்தில் அதர்வா, மணிகண்டன், ஷரத் ரவி, நிகிலா விமல், கௌதம் வாசுதேவ் மேனன் உள்ளிட்டோர் நடிப்பில் உருவாகியுள்ள வெப்சீரிஸ் ‘மத்தகம்’. நேர்மையான காவல் அதிகாரியான அதர்வா, ஒரு பெரிய குற்றம் செய்யத் திட்டமிடும் கும்பலையும், அதன் தலைவனின் (மணிகண்டன்) அசாத்திய திட்டங்களையும் முறியடித்தாரா என்பதுதான் இதன் கதைக்களம்.

போலீஸ் – ரவுடி கும்பல்களுக்கிடையே நடக்கும் க்ரைம் திரில்லர் வெப்சீரிஸான இதன் முதல் பாகம் வெளியாகியிருந்த நிலையில் தற்போது இதன் இரண்டாம் பாகம் வெளியாகியுள்ளது.

Sultan Of Delhi (இந்தி)- Disney+ Hotstar

மிலன் லூத்ரியா இயக்கத்தில் அனுப்ரியா கோயங்கா, மௌனி ராய், ஹர்லீன் சேத்தி உள்ளிட்டோர் நடிப்பில் உருவாகியுள்ள திரைப்படம் ‘Sultan Of Delhi’. அர்ஜுன் பாட்டியா எப்படி டெல்லியில் ஒரு மிகப்பெரிய ஆளாக மாறினார் என்பதை ஆக்ஷன், திரில்லராகச் சொல்கிறது இந்த வெப்சீரிஸ். இது அக்டோபர் 13ம் தேதி முதல் ‘Disney+ Hotstar’ ஓடிடி தளத்தில் வெளியாகிறது.