Rajini 170: மல்டி ஸ்டார்ஸ் வருகை; ரஜினி – த.செ.ஞானவேல் படத்தின் படப்பிடிப்பு நடப்பது எங்கே தெரியுமா? | Rajini 170: TJ Gnanavel – Rajinikanth movie shooting exclusive updates

கமலின் ‘விக்ரம்’, மணிரத்னத்தின் ‘பொன்னியின் செல்வன்’, ரஜினியின் ‘ஜெயிலர்’ படங்களுக்குப் பின், மல்டி ஸ்டார்கள் கூட்டணி போடும் படங்களுக்கு வசூல் ரீதியாக பெரும் வரவேற்பு கிடைத்து வருகிறது. இந்நிலையில் த.செ.ஞானவேல் இயக்கத்தில் ரஜினி நடிக்கும் இந்தப் படத்திலும் ஏகப்பட்ட மல்டி ஸ்டார்கள் இருக்கின்றனர். அமிதாப் பச்சன், பகத் பாசில், ராணா, மஞ்சு வாரியர், ரித்திகா சிங், துஷாரா விஜயன் எனப் பலரும் நடிக்கின்றனர். அனிருத் இசையமைக்கிறார்.

படப்பிடிப்புக்குச் செல்லும் முன் மீடியாக்களிடம் ‘இது ஒரு பிரமாண்ட படமாக இருக்கும்’ எனச் சொல்லியிருக்கிறார் ரஜினி. அமிதாப்பையும் அவரையும் ஒப்பிட்டு கேள்வி கேட்டதற்கு, “அமிதாப் சக்கரவர்த்தி. அவருடன் ஒப்பிடாதீர்கள்” எனத் தன்னடக்கமாகச் சொல்லியிருக்கிறார் ரஜினி. இவர்களின் காம்பினேஷன் எதிர்பார்ப்பை எகிற வைத்திருக்கிறது.