இறைவன் விமர்சனம்: இறைவா… இந்த மோசமான சீரியல் கில்லர் படங்களிலிருந்து எங்களைக் காப்பாற்று! | Iraivan Movie Review: A psychological tale about a killer with half baked writing

கொலை செய்வதில் இருக்கும் ரியாலிட்டி கதையில் துளியேனும் இருந்திருக்கலாம். நம்பகத்தன்மை என்னும் வார்த்தையைக் காற்றில் பறக்க விட்டிருக்கிறார் இயக்குநர். உதாரணத்திற்கு 13 கொலை செய்து நகரையே கதிகலங்க வைத்துள்ள சீரியல் கொலைகாரனை அலட்சியமாக போலீஸ் தப்பிக்க விடுவது, குற்றம்சாட்டப்பட்டவனை விசாரணையில் வைத்திருக்கும் போது இணையத்தில் நடக்கும் ஹேஷ்டேக் பிரசாரத்தால் விடுதலை செய்யப்படுவது என இந்த அபத்தப் பட்டியல் நீள்கிறது. இதில் ஸ்மைலி பொம்மை, காப்பி கேட் கொலைகாரன் எனச் சில சுவாரஸ்ய முடிச்சுகள் இருந்தாலும், சீரியல் கில்லர், சைக்கோபாத் என அவர்களைச் சித்திரிப்பதில் எக்கச்சக்க கத்துக்குட்டி தனங்கள் சேர்ந்துகொள்கின்றன.

இதற்கு நடுநடுவே காதல், குடும்பம் எனப் பாடல்களும் வந்து போகின்றன. அதுமட்டுமில்லாமல் தோற்றத்தை வைத்தே குற்றத்தை இவன்தான் செய்திருப்பான் எனக் கதாநாயகன் கண்டுபிடிக்கும் காட்சியின் மூலமாக இயக்குநர் என்ன சொல்ல வருகிறார் என்பது அவருக்கே வெளிச்சம்.