விஜய் டிவியில் வரும் அக்டோபர் ,முதல் தேதியிலிருந்து ஒளிபரப்பாக இருக்கிறது பிக் பாஸ் தமிழ் சீசன் 7. இந்த முறை வழக்கத்திற்கு மாறாக இரண்டு வீடுகள் என்பதால் நிகழ்ச்சி குறித்த எதிர்பார்ப்பு கூடுதலாக இருக்கிறது.
கலந்து கொள்ளும் போட்டியாளர்கள் கிட்டத்தட்ட இறுதி செய்யப்பட்டுவிட்டனர்.n கமல் கலந்துகொண்ட முதல் புரோமோ ஷூட் தொடர்பான நியூஸ் தொடங்கி, இந்த சீசனில் இரண்டு பிக் பாஸ் வீடுகள் என்கிற தகவல் வரை எக்ஸ்க்ளூசிவாக நாமும் செய்தி வெளியிட்டிருந்தோம். ரவீனா, விஷ்ணு உள்ளிட்ட சில போட்டியாளர்களது பெயர்களையும் ஏற்கெனவே வெளியிட்டிருந்தோம்.
நிகழ்ச்சிக்குத் தேர்வாகியிருக்கும் போட்டியாளர்களின் புரொபைல் ஷூட்டிங் கடந்த சில தினங்களாக நடந்து வருவதாகச் சொல்லப்படுகிறது.
இந்தச் சூழலில் நிகழ்ச்சியில் கலந்து கொள்ளும் இன்னொரு போட்டியாளர் குறித்த தகவலும் எக்ஸ்க்ளூசிவாக நமக்குக் கிடைத்துள்ளது. அவர் வேறு யாருமல்ல, `பாண்டியன் ஸ்டோர்ஸ்’ தொடரின் சகோதரர்களில் கடைக்குட்டியாக கண்ணன் என்கிற கேரக்டரில் வருகிறாரே சரவணன், அவரேதான். `பாண்டியன் ஸ்டோர்ஸ்’ தொடர் அடுத்த சில தினங்களில் முடிவடைய, `பாண்டியன் ஸ்டோர்ஸ்’ குடும்பத்திலிருந்து அப்படியே பிக் பாஸ் வீட்டுக்குக் குடியேற இருக்கிறார் சரவணன்.
சரவணன் பிக் பாஸ் நிகழ்ச்சியில் இடம்பிடித்தது எப்படி என அவரது நட்பு வட்டத்தில் விசாரித்தோம்.
பொதுவாக அந்தச் சமயத்துல ஹிட்டா போய்க் கொண்டிருக்கிற சீரியல்ல இருந்தோ அல்லது அப்பதான் முடிவடைஞ்ச சீரியல்ல டாக் ஆஃப் த ஷோவா இருந்தவங்களையோ நிகழ்ச்சிக்கு அனுப்புறதுங்கிறது ஒரு உத்திதான். தமிழ் மட்டுமல்ல எல்லா மொழி பிக் பாஸ் நிகழ்ச்சிகள்லயும் இதைப் பண்ணிட்டுதான் இருக்காங்க. அந்த வகையில் ‘பாண்டியன் ஸ்டோர்ஸ்’ நல்ல ரேட்டிங்ல ஒளிபரப்பாகி இப்பதான் முடிவடையப் போகுது. இந்தத் தொடர்ல இருந்து நடிகர் குமரனைத்தான் அனுப்பலாம்னு முதல்ல நினைச்சிருக்காங்க.
மறைந்த சித்ரா உயிருடன் இருந்த போது அவருடன் சேர்த்து ‘முல்லை கதிர் (குமரன்) ஆர்மி’னு இவருக்கும் ரசிகர் கூட்டம் உருவாச்சு. அதுவும் போக குமரன் நல்ல டான்சரும் கூட.
அதேநேரம் ‘பாண்டியன் ஸடோர்ஸ்’ இரண்டாவது சீசன்ல நடிப்பது தொடர்பா குமரனுக்கும் சேனலுக்குமிடையில் சில கருத்து வேறுபாடுகள் உருவாகியிருக்குன்னும் அந்த ஒரு காரணமே குமரன் பிக் பாஸ் போறதுல சிக்கலை உண்டாக்கிடுச்சுன்னும் தெரியுது.
அதனால குமரனுக்குப் பதில் அந்தத் தொடர் மூலமா ஓரளவு புகழ் கிடைக்கப் பெற்ற சரவணனை டிக் செய்து அனுப்ப இருக்காங்க” என்கிறார்கள். சரவணனுமே ‘பாண்டியன் ஸ்டோர்ஸ்’ தொடரில் தன்னுடன் ஐஸ்வர்யா கதாபாத்திரத்தில் நடிக்கும் தீபிகாவைக் காதலிக்கிறார் என்பது சீரியல் ஏரியாவில் பரவலாகப் பேசப்படுவதுதான். சில மாதங்கள் தீபிகா அந்தத் தொடரிலிருந்து விலக நேர்ந்தபோது, மீண்டும் அவரை தொடருக்குள் கொண்டு வர பல வழிகளில் சரவணன் முயற்சி செய்தார் என்றார்கள்.
இருவருடைய வீட்டிலுமே இவர்கள் காதலுக்கு சம்மதம் தெரிவித்து விட்டதாகவும் எனவே விரைவில் இவர்கள் தங்களது திருமணத் தகவலை முறைப்படி அறிவிப்பார்கள் என்றும் தெரிகிறது.
சரி, இப்போது சரவணனுடன் தீபிகாவும் பிக் பாஸ் செல்கிறாரா என்பதுதானே உங்க கேள்வி?
அது பிக் பாஸுக்கே வெளிச்சம்!
+ There are no comments
Add yours